"НЁМАН" — "ДЫНАМА-МІНСК": ІНФАРМАЦЫЯ АБ МАТЧЫ

У суботу, 29 красавіка, мінскае "Дынама" чакае чарговы няпросты выезд — у госці да "Нёмана" ў межах 6-га тура чэмпіяната краіны-2023 ў топ-дывізіёне. Супернікі пазмагаюцца ў Гродна, на стадыёне ГАКЦАР (вул. Камунальная, 3), — стартавы свісток прагучыць у 14.00.

КВІТКІ

Квіткі коштам 5 рублёў даступны для набыцця ў дзень гульні ў касах арэны — з 12.00 да 15.00.

Для заўзятараў "бела-сініх" выдзелены сектар 1.

Звяртаем увагу, што правам бясплатнага наведвання матчу валодаюць усе прадстаўніцы прыгожага полу, дзеці да 12 гадоў, пенсіянеры, ветэраны працы і баявых дзеянняў, інваліды I і II груп. Зніжка ў 50 адсоткаў прадугледжана для дзяцей ад 12 да 16 гадоў, а таксама студэнтаў дзённай формы навучання пры прад’яўленні студэнцкага пасведчання.

НАДВОР’Е

Паслязаўтра ў заходнім абласным цэнтры будзе воблачна без ападкаў. Слупок тэрмометра размясціцца ў адзнакі +12+14 градусаў.

ФОРМА

Нашы хлопцы прымераць сінія майкі і трусы (брамнік — цалкам у чырвоным).

СУДДЗІ І АФІЦЫЙНЫЯ АСОБЫ

Прызначэнне на паядынак атрымала брыгада арбітраў з Жодзіна на чале з Паўлам Каранцом, асістэнты — Віктар Фамін і Ўладзімір Русак. Чацвёрты суддзя — Вячаслаў Наронскі (Мінск).

Інспектар матчу — Юрый Дупанаў (Мінск).

Дэлегат АБФФ — Уладзімір Гаўрышук (Мінск).

ТРАНСЛЯЦЫЯ

Сачыць за цікавым супрацьстаяннем дазволіць жывы эфір на тэлеканале "Беларусь 5". Таксама можна заходзіць на сайт tvr.by і на Youtube-канал АБФФ (толькі з-за межаў рэспублікі).

ДУБЛЁРЫ

Рэзервовыя каманды сустрэнуцца ў нядзелю, 30 красавіка, у гарадзенскім футбольным манежы (урочышча Пышкі, 17). Пачатак а 15-й гадзіне.