"ДЫНАМА-МІНСК" — "СЛУЦК": КАРЫСНАЯ ІНФАРМАЦЫЯ АБ МАТЧЫ

У суботу, 8 красавіка, "бела-сініх" чакае паядынак 3-га тура чэмпіяната Беларусі-2023 ў найвышэйшай лізе — у родных сценах са "Слуцкам". Стартавы свісток на стадыёне "Дынама-Юні" (вул. Вышалескага, 4А) прагучыць у 19.00.

КВІТКІ

Квіткі коштам ад 5 да 10 рублёў даступны для набыцця на Ticketpro, у любым з пунктаў продажу гэтай кампаніі па ўсёй краіне, у фан-шопе на Нацыянальным алімпійскім стадыёне "Дынама" (вул. Кірава, 8/6; сектар D24, штодня з 11.00 да 20.00), у дзень матчу — у касах "Дынама-Юні" (з 16.00 да 20.00).

Для прыхільнікаў "Слуцка" выдзелены сектар B5.

НАДВОР’Е

Паслязаўтра ўвечары ў сталіцы будзе воблачна — пры тэмпературы +9+11 градусаў.

ДОПУСК ЗАЎЗЯТАРАЎ

Уваход на "Дынама-Юні" размешчаны з боку вуліцы Вышалескага і адкрыецца за гадзіну да пачатку супрацьстаяння — у 18.00.

ФОРМА

Нашы хлопцы згуляюць у сініх майках і трусах (галкіпер — цалкам у жоўтым).

СУДДЗІ І АФІЦЫЙНЫЯ АСОБЫ

Галоўным арбітрам прызначаны Віктар Шымусік, асістэнтамі якога стануць Аляксей Вайцяшонак (абодва — Асіповічы) і Аляксандр Банцееў (Бабруйск). Чацвёрты — Уладзімір Жолудзеў (Магілёў).

Інспектар матчу — Анатоль Сяднёў (Магілёў).

Дэлегат АБФФ — Сяргей Ільіч (Мінск).

ТРАНСЛЯЦЫЯ

Назіраць за развіццём падзей можна дзякуючы жывому эфіру на тэлеканале "ЯСНАе TV", на сайце АБФФ (з інтэршумам) і на Youtube-канале АБФФ (з-за межаў рэспублікі).

ДУБЛЁРЫ

Рэзервовыя каманды пазмагаюцца ў нядзелю, 9 красавіка, на стадыёне "Дынама-Юні". Пачатак у 13.00. Уваход вольны.