Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

БФСТ "ДЫНАМА" — 100 ГАДОЎ!

18.04.2023

18 красавіка 1923 года было ўтворана Маскоўскае пралетарскае фізкультурнае таварыства "Дынама", якое амаль адразу пачало працаваць на беларускай тэрыторыі.

За стагоддзе сваёй дзейнасці таварыства "Дынама" годна перажыла цяжкія часы ў гісторыі нашай краіны, дапамагала ўзнаўляць звычнае жыццё ў пасляваенны час, а таксама дала пачатак сапраўды масаваму і ўсенароднаму спартыўнаму руху. Спарцмены-дынамаўцы заўсёды паспяхова прадстаўлялі краіну на розных спаборніцтвах міжнароднага ўзроўню. І сёння працягваюць праслаўляць Беларусь на ўсіх пляцоўках.

БФСТ "Дынама" гуляе ключавую ролю ў забеспячэнні фізічнай, спецыяльнай і агнявой падрыхтоўкі, развіцці ваенна-прыкладных і службова-прыкладных відаў спорту, спорту найвышэйшых дасягненняў і падрыхтоўцы алімпійскага рэзерва.

"Сіла ў руху і адзінстве" — важныя словы для кожнага дынамаўца. Футбольны клуб "Дынама-Мінск" рад адчуваць сябе часткай вялікай і дружнай сям’і!

Ад імя кіраўніцтва, спарцменаў і супрацоўнікаў ФК "Дынама-Мінск" віншуем БФСТ "Дынама" з юбілеем! Зычым росквіту, поспехаў і новых дасягненняў!