БАТЭ — "ДЫНАМА-МІНСК": ІНФАРМАЦЫЯ АБ МАТЧЫ

У суботу, 15 красавіка, "бела-сініх" чакае, безумоўна, самы няпросты іспыт на стартавым адрэзку нацыянальнага чэмпіянату-2023 ў найвышэйшай лізе — у межах 4-га тура належыць на выездзе пазмагацца з БАТЭ. Айчыннае "класіка" адбудзецца ў Барысаве, на стадыёне "Гарадскі" (вул. Гагарына, 46), і пачнецца ў 18.00.

КВІТКІ

Квіткі коштам 6 рублёў можна набыць на Ticketpro, а таксама ў любым з пунктаў продажу гэтай кампаніі па ўсёй краіне.

Адзначым, што заўзятары мінскага "Дынама" размясцяцца на сектары 1 Усходняй трыбуны.

НАДВОР’Е

Паслязаўтра ўвечары ў Барысаве будзе воблачна без ападкаў — пры тэмпературы +8+10 градусаў.

ФОРМА

Наша каманда згуляе ў сініх майках і трусах (брамнік — цалкам у чырвоным).

СУДДЗІ І АФІЦЫЙНЫЯ АСОБЫ

Супрацьстаянне абслужыць брыгада арбітраў на чале з Аляксеем Кульбаковым, асістэнтамі якога стануць Сяргей Цяслюк (абодва — Гомель) і Алег Маслянка (Брэст). Чацвёрты суддзя — Вячаслаў Наронскі (Мінск).

Інспектар матчу — Георгі Вярбіцкі (Мінск).

Дэлегат АБФФ — Сяргей Ільіч (Мінск).

ТРАНСЛЯЦЫЯ

У жывым эфіры паядынак пакажа тэлеканал "Беларусь 5". Назіраць за развіццём падзей анлайн можна на сайце tvr.by і на Youtube-канале АБФФ (з-за межаў рэспублікі).

ДУБЛЁРЫ

Рэзервовыя склады сустрэнуцца ў пятніцу, 14 красавіка, на полі са штучным пакрыццём КФП ФК "Мінск" (пр-т Пераможцаў, 22). Стартавы свісток прагучыць у 14.00.