Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
У нядзелю, 22 кастрычніка, адбыўся паядынак рэзервовых каманд "бела-сініх" і "Мінска". Нашы хлопцы святкавалі перамогу 4:1, дзякуючы чаму гарантавалі сабе залатыя медалі першынства дублёраў-2023 задоўга да фінішу.
Прапануем заўзятарам убачыць усе мячы, забітыя да той гульні. Відэа размешчана на Youtube-канале сталічнага "Дынама".
Прыемнага прагляду!
