Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

11-Ы ТЫТУЛ ДЫНАМАЎСКІХ РЭЗЕРВІСТАЎ

23.10.2023

Нядзельная дамашняя перамога 4:1 над моладзевым складам "Мінска" дазволіла рэзервістам "бела-сініх" датэрмінова пакінуць за сабой верхнюю прыступку п’едыстала першынства дублёраў-2023.

Увогуле ж нашы каманды ўжо 11 разоў станавіліся трыўмфатарамі гэтага спаборніцтва (усяго было 23 розыгрышы) — таксама ў 2004-07, 2009, 2010, 2014, 2018, 2020 і 2021 гадах.

Але ніколі раней не атрымлівалася прымерыць залатыя медалі ажно за шэсць тураў да фінішу.

Не сумняваемся, што падначаленыя Дзмітрыя Лянцэвіча не зменшаць абароты і ў астатніх шасць супрацьстаяннях. Чаму б не пакарыць яшчэ шэраг прывабных адзнак? Да прыкладу, забіць за сезон 100 мячоў (зараз — 86) ці дабрацца да мяжы ў 80 ачкоў (зараз — 64, актуальны рэкорд — па 78 у 30 паядынках у 2018-м і 2021-м).

Віншуем хлопцаў і трэнерскі штаб з заваяваннем тытула! І чакаем ад перспектыўных дублёраў якаснага кроку наперад!