КАЛЯНДАР МАТЧАЎ "ДЫНАМА-МІНСК" У ЖНІЎНІ

Сталі вядомы даты і час усіх матчаў асноўнай каманды мінскага "Дынама" на наступны месяц. Больш падрабязна знаёмім вас з бліжэйшымі гульнямі бела-блакітных.

7 жніўня адбудзецца #СталічнаеДэрбі, у рамках якога дынамаўцы прымуць на сваім полі каманду ФК "Мінск". Матч пройдзе на Нацыянальным алімпійскім стадыёне "Дынама" і пачнецца ў 18.00. Не забывайце, што квіткі на гульню ўжо ў продажы і даступныя па спасылцы, а таксама ў нашым фан-шопе.

14 жніўня бела-блакітныя ўпершыню адправяцца на выязны матч супраць дзяржынскага "Арсенала". Сустрэча пройдзе ў добра знаёмай аматарам футбола Гарадзеі (на гарадскім стадыёне) і пачнецца ў 19:30.

21 жніўня мінскае "Дынама" прыме дома мазырскую "Славію". Гульня адбудзецца на Нацыянальным алімпійскім стадыёне "Дынама", пачатак матчу - 16:00. Аб старце продажу квіткоў, а таксама перадматчавых актыўнасцях будзе паведамлена дадаткова ў бліжэйшы час.

28 жніўня наша каманда згуляе супраць "Белшыны". У заключную нядзелю бела-блакітныя адправяцца ў Бабруйск, дзе ў 16.00 пачнецца матч 19 тура. Пройдзе сустрэча на стадыёне "Спартак".

Таксама нагадваем, што матчы дублюючай каманды мінскага "Дынама" будуць праходзіць на наступны дзень пасля гульняў асноўнага складу (дакладны час і месца правядзення будуць паведамляцца непасрэдна перад гульнямі).