Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ПРАЦЯГВАЕЦЦА АДБОР У АКАДЭМІЮ ФУТБОЛА

09.09.2022

Працягваецца адбор у СДЮШАР "Акадэмія Футболу ФК "Дынама-Мінск". На прагляд запрашаюцца хлопчыкі 2014-2017 г.н. (5-8 гадоў). На працягу месяца кожную суботу верасня на стадыёне "Дынама-Юні" трэнерскі склад нашай акадэміі будзе праводзіць заняткі і праглядаць юных футбалістаў. Чакаем хлопцаў і іх бацькоў па адрасе вул. Вышалескага, 4а.

Пачатак - у 10:00, збор - у 9:30. Пры сабе неабходна мець спартовую форму.

Па ўсіх дадатковых пытаннях можна звязацца з нашым трэнерам-куратарам Іванам Рыгоравічам Гарбарам (тэл. +375 29 872 48 24).

Навучанне ў Акадэміі Футболу ФК "Дынама-Мінск" бясплатнае, заняткі для малодшых узростаў праходзяць 2-3 разы на тыдзень. Звычайны час для трэніровак - пасля 18:00 у буднія дні ці па выходных днях, на камфортным і новым стадыёне ў раёне Каменная горка, дзе ёсць усе магчымасці для зручных трэніровак.

Акадэмія клуба ўваходзіць у топ-30 лепшых футбольных школ Еўропы па колькасці выхаванцаў, якія сталі прафесійнымі гульцамі. Маладыя гульцы бесперапынна развіваюцца ў структуры клуба і ў далейшым паспяхова папаўняюць склады юнацкіх, дублюючай і асноўнай каманд, а таксама зборных нашай краіны розных узростаў.

Чакаем юных футбалістаў!