НАШЫ Ў ЗБОРНЫХ: ВЫНІКІ МАЛАДЗЁЖНЫХ КАМАНД

Завяршыліся матчы маладзёжнай і юніёрскай зборных Беларусі. Распавядаем аб выніках выступленняў гульцоў мінскага "Дынама" ў камандах U-21 і U-19.

Маладзёжная зборная пад кіраўніцтвам Сяргея Ясінскага правяла два таварыскія матчы: супраць зборных Расіі і Казахстана. У першай сустрэчы каманда буйна саступіла расіянам з лікам 6-1. Уладзіслаў Ложкін прыняў удзел у гульні з першых хвілін, вызначыўся галявой перадачай і быў заменены на 65-ай хвіліне.

Учора "маладзёжка" згуляла ўнічыю з Казахстанам, вынік сустрэчы - 1-1. Уладзіслаў Ложкін і Уладзіслаў Калінін выйшлі ў стартавым складзе, Калінін адыгуляў увесь матч, Ложкін быў заменены на 81-ай хвіліне. 

Каманда U-19 тым часам правяла тры матчы ў кваліфікацыйным раундзе чэмпіянату Еўропы-2023 зборных U-19. Першую гульню супраць Славакіі хлопцы завяршылі з лікам 1-1. Абодва дынамаўцы, Іван Шымаковіч і Уладзіслаў Красоўскі, засталіся на лаўцы запасных. У другім матчы падапечныя Юрыя Мархеля саступілі аднагодкам з Германіі з лікам 1-5. У гэтай сустрэчы ўдзел прыняў Уладзіслаў Красоўскі і адгуляў абодва тайма, Іван Шымаковіч застаўся ў запасе.

У заключным паядынку са зборнай Арменіі наша каманда таксама не змагла здабыць перамогу і завяршыла гульню з лікам 1-1. Іван Шымаковіч заняў месца ў браме ў стартавым складзе і адгуляў увесь матч. Уладзіслаў Красоўскі выйшаў на 92-й хвіліне. Такім чынам, беларуская зборная U-19 заняла трэцяе месца ў групе.