Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

НАШЫ Ў ЗБОРНЫХ

06.09.2022

У рамках кваліфікацыі чэмпіянату свету ФІФА 2023 года галоўная жаночая футбольная каманда правяла два матчы: супраць Ісландыі і Чэхіі. У першым матчы каманда пацярпела паразу на выездзе з лікам 0:6. У рамках заключнага матчу на нейтральным полі дзяўчаты саступілі з лікам 0:7.

У першым матчы ў стартавым складзе выйшлі 4 футбалісткі "Дынама-БДУФК": Настасся Папова, Юлія Слясарчык, Ганна Піліпенка і Вікторыя Валюк. Папова была заменена ў перапынку (на Дудко), астатнія адгулялі без замен. Таццяна Маркушэўская і Настасся Шлапакова з'явіліся на полі на 78-ай хвіліне. Кавальчук, Сітнікава, Мікалаенка і Сцяжко засталіся на лаўцы запасных. 

У другой гульні з першых хвілін гулялі Кацярына Кавальчук, Арына Сітнікава, Юлія Слясарчык, Ганна Піліпенка, Вікторыя Валюк і Таццяна Маркушэўская. Маркушэўская была заменена на 25-ай хвіліне, Валюк у пачатку другога тайма, астатнія адгулялі без замен. Шлапакова і Сцяжко выйшлі на поле на 68-ай хвіліне, Дудко на 89-ай. Папова і Мікалаенка - на лаўцы запасных.

Каманда Юрыя Малеева завяршыла адборачны цыкл на 4-м месцы. Выніковае становішча каманд выглядае наступным чынам:

1. Нідэрланды (20); 2. Ісландыя (18); 3. Чэхія (11); 4. Беларусь (7); 5. Кіпр (1).