Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

АКЦЫЯ "ТЫДЗЕНЬ МАБІЛЬНАСЦІ"

15.09.2022

З 16 па 22 верасня ў свеце праходзіць Тыдзень мабільнасці. Традыцыйна да гэтай акцыі далучыцца і Беларусь. На працягу сямі дзён усім аўтамабілістам прапануюць перасесці на ровары, самакаты, монаколы або аддаць перавагу грамадскаму транспарту.

У Мінску тыдзень мабільнасці завершыцца гарадской экалагічнай акцыяй "Дзень без Аўтамабіля". 22 верасня праезд у грамадскім транспарце і метрапалітэне будзе бясплатным для тых, хто мае пасведчанне кіроўцы і пасведчанне аб рэгістрацыі транспартнага сродку.

У гэтым годзе тыдзень мабільнасці і акцыя "Дзень без аўтамабіля" пройдуць пад дэвізам "Беларусь за чыстае паветра". У розных раёнах сталіцы запланаваны велапрабегі, экскурсіі па экасцежках і плоггінг-забег (прабежка, сумешчаная са зборам смецця).

Акцыю падтрымлівае і ФК "Дынама-Мінск". Увесь верасень у нашай краме (Кірава 8/6, Нацыянальны алімпійскі стадыён "Дынама", сектар D24) пакажыце пасведчанне кіроўцы пры набыцці і вы атрымаеце аўтамабільны араматызатар у падарунак.