Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Сёння ў 15:00, у доме футбола АБФФ, адбылося лёсаванне 1/16 фіналу «Парыматч – Кубак Беларусі па футболе» сезону 2022/23.
Такім чынам, мы згуляем на выездзе супраць ФК «Хваля» (Пінск). Сустрэча адбудзецца прыкладна 22-23 чэрвеня. Дакладныя дата і час правядзення матчу будуць паведамлены дадаткова.
