Наступны матч БАТЭ 25 лістапада (20:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

МІКІТА НАУМАЎ, ІВАН БАХАР: ФЛЭШ-ІНТЭРВ'Ю ПАСЛЯ #BYCLASICO

03.05.2022

- Мікіта, падзяліся сваімі ўражаннямі пасля матчу.

- Я думаю, матч усім спадабаўся. Шмат галоў было, шмат барацьбы, усе жадалі перамагчы, ніхто не жадаў саступаць. Я думаю, вынік заканамерны.

- Што не атрымалася па гульні?

- Браму сухой захаваць, мусіць, толькі гэта. Забіць забілі, але і прапусцілі.

- Наперадзе ў нас сур'ёзныя супернікі і абодва на выездзе - гэта "Гомель" і "Шахцёр" - як рыхтуецеся?

- Наладжвацца толькі на перамогі трэба. Толькі перамогі, калі мы жадаем месцы займаць высокія.

- Іван, як пракаментуеш гульню?

- Ведалі, што будзе цяжкая гульня, энергазатратная. Жадалася двум камандам перамагчы. Нічыя, мусіць, сёння - справядлівы вынік. У другім тайме, мне здаецца, мы крыху лепей гулялі. У першым першыя 15-20 хвілін няўпэўнена пачалі. Пабаяліся, можа, адказнасці за вынік. Але ў другім дадалі, з'яўлялася яшчэ больш момантаў. Хацелася б перамагчы сёння, нам 3 балы вельмі важныя, маглі б падняцца па турнірнай табліцы.

 

Теги: Сезон-2022