Наступны матч Iслач (дома) 02 лiпеня (19:00)
Глядзець трансляцыю
  • Чэмпіён СССР 1982 год.

    Галоўны поспех у гісторыі нашага клуба - перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да самага апошняга тура, у якім сталічныя дынамаўцы абгулялі маскоўскі "Спартак" з лікам 4:3 і па выніках здолелі апярэдзіць "Дынама" з Кіева ў турнірнай табліцы ўсяго толькі на 1 бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004.

    Футбалісты мінскага "Дынама" 7 раз станавіліся чэмпіёнамі Беларусі па футболе.

    У дэбюце розыгрышу нацыянальнага першынства футбалістам "Дынама" не было роўных - 5 раз запар бела-блакітныя станавіліся чэмпіёнамі краіны. Праз два сезоны дынамаўцы з Мінска зноў сталі пераможцамі першынства Беларусі.

    У апошні раз футбалісты мінскага "Дынама" станавіліся чэмпіёнамі краіны ў 2004 годзе..

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

АРЦЁМ ЧАЛЯДЗІНСКІ: ПАСЛЯМАТЧАВАЯ ПРЭС-КАНФЕРЭНЦЫЯ

14.05.2022

Каментар Арцёма Віктаравіча Чалядзінскага:

- Атрымалася вельмі эмацыйная гульня, з мноствам картак. Чырвоных, жоўтых. Пенальці...Магчыма гледачам падабаецца, а трэнерам не вельмі. Ведалі, што "Шахцёр" пачне з першых хвілін прэсінгаваць, нагнятаць, не даваць нам выходзіць. У прынцыпе, першыя 15 хвілін мы гэтага чакалі, пасля 15-й хвіліны ўжо выраўнялі гульню і пачало атрымлівацца тое, што планавалі. Развароты гульні, трыманне мяча. Адзінае, чаго не хапіла - стварэння галявых момантаў. Плюс былі памылкі нязмушаныя, якія таксама прыводзілі да хуткіх атак суперніка.

У другім тайме спакойна пачалі. Такая роўная гульня была. Шмат барацьбы. Мелі нядрэнны шанец забіць, але не рэалізавалі. У канцы пайшло нагнятанне з боку "Шахцёра" доўгімі перадачамі. Яны выпусцілі высакарослых футбалістаў. У выніку стандарт, пасля якога зарабілі пенальці…