Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Нападаючы "Дынама-БДУФК" Юлія Дубень пакідае мінскае "Дынама" пасля заканчэння тэрміну дзеяння кантракта.
Юлія далучылася да нашай жаночай каманды 10 лютага 2021 года. За гэты сезон футбалістка згуляла 22 матчы, забіла 13 галоў і аддала 4 галявыя перадачы.
Футбольны клуб "Дынама-Мінск" дзякуе Юліі і жадае ёй удачы ў далейшай кар'еры.
