Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Паўабаронца Уладзіслаў Клімовіч пакідае мінскае "Дынама" пасля заканчэння тэрміну дзеяння кантракта.
Уладзіслаў стаў гульцом нашай каманды ў студзені 2020 года. За два сезоны футбаліст прыняў удзел у 64-х матчах каманды, забіў 13 галоў і аддаў 10 выніковых перадач.
Футбольны клуб "Дынама-Мінск" дзякуе Уладзіславу за ўклад у вынік каманды і жадае яму ўдачы ў далейшай кар'еры.
