Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Сёння свой дзень нараджэння святкуе галоўны трэнер "Дынама-БДУФК", а таксама Нацыянальнай жаночай зборнай Беларусі Юры Іванавіч Малееў! Нашаму спецыялісту споўнілася 54 гады.
Футбольны клуб "Дынама-Мінск" ад усёй душы віншуе Юрыя Іванавіча, жадае яму здароўя, новых поспехаў, дабрабыту, удачы і толькі самых найлепшых вынікаў для "Дынама-БДУФК" і галоўнай каманды краіны!
З днём нараджэння, Юры Іванавіч!
