Наступны матч БАТЭ 25 лістапада (20:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ТРАНСФЕРНЫЯ НАВІНЫ КЛУБА

31.03.2022

Кантракт з мінскім "Дынама" падпісалі трое футбалістаў: галкіпер Андрэй Сіненка, бразільскі абаронца Віліям, а таксама паўабаронца Дзяніс Грачыха. Віліям і Дзяніс прабудуць у размяшчэнні клуба да 30 чэрвеня 2022 года. Кантракт Андрэя Сіненкі разлічаны на два сезоны (да заканчэння 2023 года). 


Андрэй нарадзіўся 16 красавіка 1997 года ў Мінску. З'яўляецца выхаванцам "Энергетыка-БДУ", гуляў у складзе дадзенай каманды ў Д2, у 2018 годзе стаў чэмпіёнам Першай Лігі. Таксама праводзіў матчы за дублюючы склад "студэнтаў". У сезоне-2019 выступаў за "Смаргонь", а 2020 год правёў у "Лідзе". У 2021 годзе падпісаў кантракт з футбольным клубам "Іслач". Таксама галкіпер выклікаўся ў юнацкую зборную Беларусі U-18.

Бразілец Віліям нарадзіўся 11 чэрвеня 1996 года ў Эстансіі (Бразілія). На дарослым узроўні дэбютаваў у 2015 годзе, у складзе мясцовай каманды "Эстансіяна". На наступны год адправіўся ў "Жувентудзе", а ў 2017-ым годзе футбаліст перабраўся ў "Лувердэнсе" (Серыя B, Бразілія). За гэты клуб Віліям адгуляў 26 матчаў і забіў 2 галы.

Затым абаронца падпісаў кантракт з камандай "Гояс", якая таксама выступае ў бразільскай Серыі B, аднак не здолеў дэбютаваць за гэты калектыў. З 2019 года бразілец гуляў у складзе "Санта-Круз" (Серыя С), а ў пачатку сезону-2020 папоўніў шэрагі "Руха". 

У складзе берасцейскага клуба гулец правёў два сезоны. За "Рух" Віліям адуляў 30 матчаў, вызначыўся адным голам і аддаў адну выніковую перадачу. У студзені падпісаў кантракт з камандай "Інгулец" (Украіна, Прэм'ер-Ліга).

Беларускі паўабаронца Дзяніс Грачыха нарадзіўся 22 траўня 1999 года, з'яўляецца ўраджэнцам Магілёва, там жа пачынаў прафесійную футбольную кар'еру. З 2017 года быў гульцом футбольнага клуба "Днепр-Магілёў", за які правёў 35 матчаў. У сезоне-2019 падпісаў кантракт з "Дняпром" і быў арандаваны "Рухам". Улетку таго ж года падпісаў паўнавартасны кантракт з берасцейскай камандай. 

У складзе "Руха" Дзяніс адуляў 83 матчы, забіў 18 галоў і аддаў 7 выніковых перадач. Выступаў у складзе юнацкіх каманд краіны, выклікаўся ў Нацыянальную зборную Беларусі.

Мы вітаем футбалістаў у мінскім "Дынама" і жадаем ім паспяховых гульняў у нашым клубе. Сардэчна запрашаем!