Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ПІЖОН - ПАРТНЕР МІНСКАГА ДЫНАМА Ў СЕЗОНЕ 2022

30.03.2022

Мы рады паведаміць, што беларускі брэнд мужчынскага адзення "PIZHON" і мінскае "Дынама" падпісалі пагадненне аб супрацоўніцтве: брэнд становіцца афіцыйным партнёрам клуба.

Галоўныя мэты "Піжон" - папулярызацыя моды ў краіне, паляпшэнне нашага грамадства, дабрачыннасць і сацыяльныя праекты. Таксама адна з ключавых задач брэнда - падтрымка і садзейнічанне ў папулярызацыі беларускага спорту, а таму кампаніяй было прынята рашэнне аб супрацоўніцтве з футбольным клубам "Дынама-Мінск".

Першым сумесным праектам клуба і брэнда стане непасрэднае супрацоўніцтва з галоўным трэнерам "Дынама-Мінск": на дамашнія матчы каманды Арцём Віктаравіч Чалядзінскі будзе выбіраць вобразы "Піжон", якія адрозніваюцца сваёй якасцю, унікальнасцю вырабаў, наватарскім духам і яркім пачуццём стылю.

«Я рады нашаму знаёмству і супрацоўніцтву з брэндам мужчынскага адзення "Піжон", - пракаментаваў галоўны трэнер каманды Арцём Чалядзінскі. - У гэтым сезоне заўзятары маюць мачымасць убачыць, што трэнеры носяць нешта акрамя спартыўнага адзення. Думаю, да канца сезону стане звыклым бачыць трэнера ля краю поля не толькі ў спартыўным касцюме. Таксама спадзяюся, што "Піжон" стане больш вядомы сярод нашых заўзятараў».

Спасылка на афіцыйны сайт Піжон: PIZHON.BY