ПЕРШЫНСТВО СЯРОД ЮНАКОЎ 2021/2022 ВЯРТАЕЦЦА
Аднаўляецца юнацкае першынство Рэспублікі Беларусь па футболе сярод каманд 2004-2007 гадоў нараджэння пасля зімовага перапынку. Нагадваем пра вынікі згуляных тураў і распавядаем пра бліжэйшыя матчы нашых выхаванцаў.
Камандзе 2004 года нараджэння згуляе яшчэ 4 матчы на першым (групавым) этапе, пасля чаго бела-блакітных чакае выхад у фінальную стадыю. У суботу, 12 сакавіка, падапечныя Генадзя Лесуна сустрэнуцца з аднагодкамі з «Тарпеда-БелАЗ» (пачатак у 11:45, стадыён «Дынама-Юні»). Нагадаем, што на дадзены момант дынамаўцы лідзіруюць у сваёй групе і не пацярпелі ніводнай паразы ў 12-ці згуляных сустрэчах. У выпадку ўдалага завяршэння наступнага этапа першынства каманда мае шанцы трапіць у Юнацкую Лігу Чэмпіёнаў УЕФА.
Каманда 2005 года нараджэння адпраўляецца ў Брэст: выхаванцы нашай Акадэміі 12 сакавіка сустрэнуцца з берасцейскім «Рухам» (пачатак у 14:00, стадыён «Юнацтва»). Бела-блакітныя правядуць яшчэ 2 гульні, пасля чаго таксама пачнуць свой фінальны этап першынства. Па выніках 12-ці тураў футбалісты займаюць 3-е месца ў групе «Захад».
Каманда 2006 года нараджэння таксама адпраўляецца на матч супраць «Руха», які пройдзе заўтра ў Брэсце (пачатак у 16:00, стадыён «Юнацтва»). Выхаванцаў Вадзіма Ласоўскага чакаюць 2 адказныя матчы, пасля чаго каманда завершыць першую частку юнацкага першынства. На сённяшні дзень дынамаўцы знаходзяцца на 2-ім месцы ў сваёй падгрупе.
Каманда 2007 года нараджэння паспяхова завяршыла першы этап, па выніках якога трапіла ў групу «Усход» і зараз пачынае матчы другога этапа. Гульні таксама праводзяцца па прынцыпе «кожны з кожным» у два круга - на сваім полі і полі суперніка. У 1 туры футбалісты паспяхова абгулялі «Гомель» з лікам 3:0, а ў суботу згуляюць супраць аднагодкаў з «Белшыны» (пачатак у 14:00, стадыён «Дынама-Юні»). Нагадаем, што па выніках гульняў у групе «Захад» і «Усход» каманды, якія занялі 1-е і 2-е месцы ў сваіх групах, выйдуць у фінальную групу «А».
