Наступны матч БАТЭ 25 лістапада (20:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

НАШЫ Ў ЗБОРНЫХ: ВЫНІКІ ВЫСТУПЛЕННЯЎ ДЫНАМАЎЦАЎ

30.03.2022

Завяршыліся матчы зборных нашай краіны. Традыцыйна распавядаем аб выніках выступленняў гульцоў мінскага "Дынама" ў нацыянальных камандах.

У перыяд з 21 па 30 сакавіка "белакрылыя" правялі два таварыскія матчы. Абедзве сустрэчы адбыліся ў Бахрэйне. У першай гульні, супраць каманды Індыі, падапечныя Георгія Кандрацьева атрымалі перамогу з лікам 3:0. Ягор Хаткевіч, Раман Бегуноў і Іван Бахар выйшлі на матч у стартавым складзе. Хаткевіч адгуляў усю гульню, Бахар быў заменены ў пачатку другога тайма, Бегуноў - на 72-й хвіліне. Арцём Быкаў з'явіўся на полі ў другім тайме і вызначыўся забітым голам. Адзначым, што гэта першы гол нашага паўабаронцы ў складзе зборнай Беларусі! Максім Швяцоў застаўся на лаўцы запасных. 


У другой таварыскай сустрэчы, супраць зборнай Бахрэйна, перамога таксама засталася за "белакрылымі": беларусы мінімальна абгулялі суперніка (1:0). Арцём Быкаў і Максім Швяцоў прынялі ўдзел у матчы з першых хвілін. Швяцоў адгуляў усю гульню, Быкаў быў заменены на 86-ай хвіліне. На гэтай жа хвіліне на замену выйшаў Іван Бахар, а Ягор Хаткевіч і Раман Бегуноў засталіся ў запасе. 


Маладзёжная зборная (U-21) таксама згуляла два матчы. У гульні кваліфікацыі маладзёжнага ЕЎРА падапечныя Сяргея Ясінскага здолелі абгуляць равеснікаў з каманды Кіпра (1:0 на карысць беларусаў). Мікіта Дземчанка і Уладзіслаў Ложкін выйшлі на гульню ў стартавым складзе і адгулялі 79 хвілін. У гэтым матчы нападаючы Уладзіслаў Ложкін вызначыўся галявой перадачай. Дзмітры Латыхоў з'явіўся на 91-й хвіліне. Раман Давыскіба застаўся на лаўцы запасных. 


Потым каманда правяла таварыскую гульню супраць зборнай Азербайджана U-21, у якой атрымала перамогу з лікам 3-1. Раман Давыскіба прыняў удзел у матчы са стартавага свістка. А трэці гол у паядынку на рахунку нашага нападаючага Дзмітрыя Латыхова.