Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Сёння ў горадзе Ньён (Швейцарыя) прайшло лёсаванне трэцяга кваліфікацыйнага раунду Лігі Канферэнцый 2022/2023. Паводле яе вынікаў мінскае "Дынама", у выпадку перамогі ў другім раундзе над камандай "Хапаэль" (Беэр-Шэва, Ізраіль) згуляе супраць "Лугана" (Швейцарыя).
Матчы пройдуць 4 і 11 жніўня.
