ФК ДЭЧЫЧ - ІНФАРМАЦЫЯ АБ СУПЕРНІКУ

Напярэдадні другога матчу першага кваліфікацыйнага раунда Лігі Канферэнцый мы сабралі ўсю магчымую інфармацыю аб нашым саперніку. Знаёмімся з футбольным клубам «Дэчыч» бліжэй перад паядынкам у адказ.

«Дэчыч» - чарнагорскі клуб, які базуецца ў горадзе Тузі (раён Падгорыцы, сталіцы Чарнагорыі). Цягам двух апошніх гадоў займаў 3-е месца ў сваім чэмпіянаце, а таксама двойчы выходзіў у фінал Кубка Чарнагорыі. Сам клуб вядзе сваю гісторыю з 1926 года, аднак да Другой Сусветнай вайны не гуляў у афіцыйных турнірах. Упершыню ў прафесійную лігу «Дэчыч» трапіў у канцы 70-ых, калі пачаў свой шлях у чацвёртым футбольным дывізіёне. У 73 годзе каманда стала пераможцам лігі і адправілася на падвышэнне ў трэці дывізіён. Толькі на пачатку 2000-ых калектыў з Тузі здолеў прабіцца ў другую Югаслаўскую лігу. Пасля распаду Югаславіі каманда апынулася ў Вышэйшай Лізе Чарнагорыі.

Некалькі разоў «Дэчыч» адпраўляўся ў Д2, аднак у сезоне-2019 каманда зноў вярнулася ў элітны дывізіён, дзе і працягвае выступаць апошнія гады. Мінулы футбольны сезон калектыў завяршыў на 3-ім радку, аднак, трэба адзначыць, з вялікім адрывам ад другога і першага месцаў («Дэчыч» - 56 балаў, «Будучнасць» - 67, «Суцьеска» - 75).

Што ж да складу нашага суперніка, то галоўную ўвагу, мабыць, мы звернем на аднаго гульца. У складзе «Дэчыча» гуляе футбаліст, які знаходзіўся ў складзе мінскага «Дынама» ў 2015 годзе і трапіў з бела-блакітнымі ў плэй-оф Лігі Еўропы. На яго рахунку 42 матчы, 19 галоў і 8 галявых перадач. Зразумела, гаворка ідзе пра Фатаса Бечырая, чарнагорскага нападніка, які так добра знаёмы дынамаўскім заўзятарам.  

Нагадаем, матч у адказ чакае нас 14 ліпеня і пачнецца ў 20:45 па мясцовым часе (у 21:45 па беларускім). Поспеху, «Дынама»!