Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

ДУШАН БАКІЧ - 100 МАТЧАЎ У КАР'ЕРЫ

16.07.2022

Матч у адказ супраць "Дэчыча" ў першым раундзе Лігі Канферэнцый стаў юбілейным для нападніка нашай каманды Душана Бакіча - ён адгуляў 100 матчаў у сваёй клубнай кар'еры. Адзначым, што ў гэтай жа сустрэчы менавіта Душан забіў вырашальны гол, які дазволіў дынамаўцам прайсці ў другі раунд. Сваю кар'еру Душан пачынаў у складзе футбольнага клуба "Будучнасць" і з'яўляецца выхаванцам гэтага клуба. Потым форвард падпісаў кантракт з "Энергетыкам-БДУ", а на наступны год перайшоў у мінскае "Дынама". Другую частку сезону-2021 правёў у арэндзе, у складзе каманды "Легіён" (Эстонія). У гэтым годзе з'яўляецца гульцом асноўнага складу нашай каманды.

- ФК "Будучнасць": 43 матчы, 3 галы і 1 галявая перадача
- ФК "Энергетык-БДУ": 26 матчаў, 11 галоў і 5 галявых перадач
- ФК "Легіён": 14 матчаў, 4 галы і 4 галявыя перадачы
- ФК "Дынама-Мінск": 17 матчаў, 5 галоў і 2 галявыя перадачы.

Віншуем Душана і жадаем гульцу толькі дадаваць у выніках.