Наступны матч Днепр 27 красавіка (20:15) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

#СЛАВІЯДЫНАМА - УЖО Ў ГЭТУЮ СУБОТУ

07.04.2022

Ужо ў суботу нас чакае выезд у Мазыр - 9 красавіка мінскае "Дынама" згуляе матч 3-га тура Вышэйшай Лігі-2022 супраць "Славіі". 


Матч пройдзе на стадыёне "Юнацтва" і пачнецца ў 17.30. Самы аптымальны варыянт паездкі на футбол - асабісты транспарт (паездка зойме 3,5 гадзіны), а таксама міжгародняе маршрутнае таксі. Вашай увазе расклад маршрутак па маршруце Мінск (Аўтастанцыя Паўднёва-Заходняя) – Мазыр (Арэна ДК "Усходні"):


Для зваротнай дарогі таксама падыйдуць некалькі маршрутак, якія едуць у Мінск з 7 да 10 вечара. Маршрут ад прыпыначнага пункта да стадыёна - ніжэй.


Зваротныя маршруткі адпраўляюцца з Прымаставой плошчы. Падыйдуць некалькі наступных рэйсаў. 

Звяртаем увагу, што ўваход на трыбуны стадыёна "Юнацтва" (г. Мазыр, вуліца Янкі Купалы, 26А) пачнецца за адну гадзіну да гульні. Побач з уваходам будзе размешчана камера захоўвання, якая будзе працаваць з пачатку запуску заўзятараў.

Уваход для заўзятараў Мінскага Дынама - бясплатны. Для пацверджання трэба быць у атрыбутыцы дынамаўцаў або звярнуцца да спецыяліста па працы з заўзятарамі непасрэдна перад уваходам на стадыён (кантактны нумар тэлефона +375296688409 - Дзмітры). Для заўзятараў, якія плануюць падтрымаць бела-блакітных на стадыёне, прадугледжаны гасцявы сектар А. 

 

Теги: Сезон-2022