ПЕРШЫНТВО СЯРОД ЮНАКОЎ 2021/2022: ФІНАЛЬНЫ ЭТАП
Завершаны першы этап маладзёжнага першынства сярод каманд 2004-2006 гадоў нараджэння. Нагадваем, што па выніках матчаў у групах «Захад» і «Усход» каманды, якія занялі месцы з 1-га па 4-е ў сваіх групах, выходзяць у фінальную групу «А» з улікам паказчыкаў (набраныя балы, перамогі, нічыі, паразы, мячы забітыя і прапушчаныя) у гульнях паміж сабой.
Каманда 2004 года нараджэння атрымала 16 перамог у 16-ці матчах і выйшла ў групу «А» на лідзіруючых пазіцыях. У найбліжэйшыя паўтра месяца падапечныя Генадзя Лясуна правядуць гульні супраць «Шахцёра», «Мінска», «Руха» і «Іслачы». Першы матч бела-блакітны згуляюць ужо ў суботу. Нагадваем, што каманда, якая заняла першае месца ва ўзроставай катэгорыі U-18, праходзіць у юнацкую Лігу Чэмпіёнаў УЕФА.
Каманда 2005 года нараджэння таксама прабілася ў групу «А», аднак, на жаль, па выніках згуляных сустрэч, апынулася на 7-м радку. Супернікамі дынамаўцаў стануць: «Мінска», РЦАР-БДУ, «Белшына» і БАТЭ. Жадаем футбалістам удачы!
Каманда 2006 года нараджэння пачне свой шлях у групе «А» з 4-га месца ў табліцы. Свае матчы выхаванцы Вадзіма Ласоўскага згуляюць супраць «Мінска», «Віцебска», «Дняпра-Магілёў» і БАТЭ. Другі этап для футбалістаў таксама пачнецца ў гэтую суботу.
Каманда 2007 года нараджэння, нагадваем, пачала другі этап некалькі тыдняў таму. На дадзены момант падапечныя Артура Мустыгіна маюць у сваім актыве 6 перамог у 6-ці матчах і першае месца ў групе «Усход». Адзначым, што малодшы ўзрост ліцэнзіі таксама чакае наступная стадыя першынства. Па выніках гульняў у групе «Захад» і «Усход» каманды, якія занялі 1-е і 2-е месцы ў сваіх групах, выходзяць у фінальную групу «А» з улікам паказчыкаў (набраныя балы, перамогі, нічыі, паразы, мячы забітыя і прапушчаныя) у гульнях паміж сабой.
Расклад бліжэйшых матчаў:
U-18: «Дынама-Мінск» vs «Шахцёр», 9 красавіка, 14:00 (стадыён «Дынама-Юні»);
U-17: «Дынама-Мінск» vs «Мінск», 9 красавіка, 16:00 (стадыён «Дынама-Юні»);
U-16: «Нёман» vs «Дынама-Мінск», 9 красавіка, 11:00 (стадыён «Дынама-Юні»);
U-15: «Дынама-Мінск» vs «Мінск», 9 красавіка, 18:00 (стадыён «Дынама-Юні»);
