ІВАН ПЕШЫЧ - ФУТБАЛІСТ МІНСКАГА "ДЫНАМА"

Кантракт з мінскім "Дынама" падпісаў харвацкі нападаючы Іван Пешыч. Гулец прабудзе ў размяшчэнні каманды да завяршэння першага круга чэмпіянату. 

Іван Пешыч родам з Шыбеніка (Харватыя), нарадзіўся 6 красавіка 1992 года. Сваю кар'еру пачынаў у складзе клуба "Хайдук". У 2012 годзе стаў гульцом аўстрыйскага клуба "Аустрыя" (Клагенфурт). У сезоне-2014 папоўніў шэрагі каманды "Задар", за якую згуляў у 38 сустрэчах, забіў 6 галоў і аддаў 8 выніковых перадач.

27 ліпеня 2015 года Іван стаў гульцом "Спліта". У складзе гэтага клуба Пешыч адгуляў 65 матчаў, вызначыўся 9 галамі і 5 галявымі перадачамі. Потым форвард вярнуўся ў "Хайдук", дзе прыняў удзел у 12-ці гульнях, а ў сезоне-2018 перабраўся ў чэмпіянат Румыніі, падпісаўшы кантракт з "Дынама-Бухарэст". 27 матчаў, 5 галоў і 3 перадачы - статыстыка Пешыча за румынскі клуб.

У пачатку 2019 года на правах арэнды перайшоў у казахстанскі "Шахцёр" (Караганда). Гэты сезон стаў адным з найлепшых у кар'еры футбаліста: Іван згуляў у 33 гульнях, забіў 8 галоў і аддаў 8 галявых перадач. Затым харвацкі форвард далучыўся да "Кайсара" (Кызыларды, Казахстан), аднак замацавацца ў складзе каманды яму не ўдалося.

У жніўні 2020 года Пешыч падпісаў кантракт з палтаўскай "Ворсклай", але праз паўгода адправіўся ў арэнду, у клуб "Валунтары", за які выйшаў у 18-ці матчах і вызначыўся голам. Затым вярнуўся ў склад украінскай каманды. 

У "Дынама-Мінск" форвард будзе выступаць пад нумарам 99. Мы вітаем Івана Пешыча ў складзе нашай каманды і жадаем яму ўдалых матчаў. Dobrodošli, Ivan!