Наступны матч Тарпеда-БелАЗ 21.04 (16:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

#ДНЕПРДЫНАМА - УСЁ АБ МАТЧЫ

21.04.2022

Ужо ў суботу нас чакае выезд у Магілёў - 23 красавіка мінскае "Дынама" адправіцца на матч 5-га тура Вышэйшай Лігі-2022 супраць каманды "Днепр-Магілёў". 


Матч пройдзе на стадыёне "Спартак" і пачнецца ў 19:30. Самы аптымальны варыянт паездкі на футбол - асабісты транспарт, а таксама цягнік і міжгародняе маршрутнае таксі. Вашай увазе расклад цягнікоў, якія адпраўляюцца 23 красавіка ў Магілёў.


Ад чыгуначнага вакзала да стадыёна можна дабрацца на тралейбусах №2,4 і аўтобусах №8,24,33,35,39,40 (да прыпынку ААТ Цэнтральны ўнівермаг). Падыдуць і аўтобусы №25,45 да прыпынку Беларуска-расійскі ўніверсітэт. Таксама ў Магілёў адпраўляецца вялікая колькасць маршрутных таксі. Найбольш зручным пунктам для выхаду з'яўляецца прыпынак Беларуска-расійскі ўніверсітэт.


Для зваротнай дарогі падыдуць некалькі маршрутак, якія едуць у Мінск з 9 да 10 вечара. Пачатковым прыпынкам з'яўляецца стадыён "Тарпеда" (раён завода Кірава). Вашай увазе некалькі наступных рэйсаў: 


Звяртаем увагу, што для заўзятараў мінскага "Дынама" выдзелены сектар №12. Уваход на яго ажыццяўляецца з боку вул. Міронава.

Теги: Сезон-2022