ДАБРАЧЫННАЯ АКЦЫЯ

Дарагія сябры! Футбольны клуб "Дынама-Мінск" пачаў удзел у акцыі "Каробачка адвагі" сацыяльна-дабрачыннай арганізацыі "Kindervita". На нашых хатніх матчах вы зможаце знайсці спецыяльны бокс, у які прымаюцца:

- цацкі (толькі новыя): маленькія машынкі, лялькі і пупсы ў адзенні, цацкі-магніты, бірулькі, пальчыкавыя цацкі, маленькія завадныя цацкі, мячы рознага віду і колеру, мяккія звяркі, канструктары, бразготкі, расцяжкі на ложачак, цацкі для малых да годы;
- размалёўкі, кнігі з заданнямі і налепкамі;
- наборы для рукадзелля, пластылін, наборы для малявання, алоўкі, фламастэры;
- падгузнікі ці трусікі дзіцячыя (2-7 памер) і дарослыя (M, L памеры), аднаразовыя пялёнкі;
- крэм дзіцячы, судакрэм, вадкае мыла, вільготныя сурвэткі, кавалкавае мыла, прысыпка дзіцячая, ватовыя палачкі і дыскі.

Пасля запаўнення скрынкі будуць перададзены валанцёрамі "Kindervita" у РНПЦ дзіцячай анкалогіі, гематалогіі і імуналогіі (в. Бараўляны). Яны будуць размешчаны ў працэдурных кабінетах і палатах дзённага стацыянара, каб маленькія адважныя пацыенты змаглі ўсміхнуцца пасля цяжкіх працэдур і маніпуляцый.

Падрабязнасці акцыі можна прачытаць тут: https://kindervita.by/korobochka

95 гадоў футбол у нашых сэрцах суседнічае з дабрынёй. Давайце ёй падзелімся!