Наступны матч Мінск 31 сакавіка (17:00) (г)
Live
BLR
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

АРЦЁМ БЫКАЎ І РАМАН БЕГУНОЎ: ЮБІЛЕЙНЫЯ МАТЧЫ ЗА ДЫНАМА

10.04.2022

Матч супраць мазырскай "Славіі" стаў юбілейным адразу для двух футбалістаў нашага клуба.

У 2011 годзе дэбют за бела-блакітных здарыўся ў Арцёма Быкава, а ўчора гулец правёў свой 200-ты матч у складзе каманды. Дарэчы, на дадзены момант паўабаронца правёў больш за ўсіх матчаў за "Дынама" сярод дзейных гульцоў клуба!

200 матчаў, 19 галоў і 30 галявых перадач - такая статыстыка Арцёма Быкава ў футболцы з літарай "Д" на грудзях.

- 156 матчаў у Вышэйшай Лізе
- 24 матчы ў Кубку Беларусі
- 20 матчаў у Лізе Еўропы

А ў 2015 годзе ў складзе дынамаўскай каманды на полі ўпершыню з'явіўся Раман Бегуноў. Здарылася гэта ў матчы кваліфікацыі Лігі Эўропы. І ўчора, праз 7 гадоў, наш абаронца зуляў свой 100-ы матч за бела-блакітных.

100 матчаў, 4 галы і 6 выніковых перадач - кароткія статыстычныя лічбы Рамана.

- 68 матчаў у Вышэйшай Лізе
- 10 матчаў у Кубку Беларусі
- 22 матчы ў Лізе Еўропы


Віншуем Арцёма і Рамана, жадаем толькі прыбаўляць у лічбах.