Наступны матч БАТЭ 25 лістапада (20:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

УЗГАДВАЕМ ЧЭМПІЯНАТ 1982 ГОДА

17.11.2022

16 лістапада 1982 г. мінскае "Дынама" згуляла перадапошнюю гульню чэмпіянату СССР таго года супраць маскоўскіх аднаклубнікаў. З сустрэчы з гэтым супернікам пачынаўся чэмпіянат, тады мінчукі перамаглі 1:0.

16 лістапада каманды гулялі ўжо на сінтэтычным полі комплексу ЦСКА ў Маскве. "Дынама-Мінск" выступала наступным складам: Вяргеенка, Бароўскі, Курненін, Янушэўскі, Зыгмантовіч (Шышкін, 65), Пракапенка, Гоцманаў, Пудышаў, Алейнікаў, Сокал (Гурыновіч, 46), Васілеўскі.

Пачаўшы сустрэчу хутка, манеўрана, мінчукі адразу ж захапілі ініцыятыву, даставіўшы абароне і брамнікам масквічоў масу клопатаў. Лік быў адкрыты ўжо на пятай хвіліне. У штрафной плошчы дакладны ўдар па браме нанёс Сокал - бамбардзір дублюючага складу. Да перапынку мяч яшчэ двойчы пабываў у браме маскоўскага "Дынама". На 26-й хвіліне выйшаў на ўдарную пазіцыю і забіў Васілеўскі. За тры хвіліны да перапынку Пракапенка - імяніннік у той дзень - імкліва прарваўся па левым краі, абышоўшы на хуткасці некалькіх гульцоў масквічоў, выбавіў з ьрамы Уварава і нечакана зрабіў дакладны пас на Гоцманава, хоць мог і стукнуць сам. Той знаходзіўся перад пустой брамай ў адзіноце і без цяжкасці паслаў мяч у сетку - 3:0.

Пасля перапынку наша каманда працягнула ў тым жа духу. На 60-й хвіліне зноў вызначыўся Васілеўскі. Абгуляўшы абаронцаў, ён выйшаў сам-насам з брамнікаў масквічоў, які не змог спыніць мяч - 4:0. Неўзабаве імклівы напад мінчукоў завяршыў Алейнікаў - 5:0. На 81-й хвіліне масквічы недазволеным прыёмам спынілі Гурыновіча, які выйшаў на ўдарную пазіцыю, за што былі пакараныя 11-метровым. Пацярпелы дакладна рэалізаваў пенальці. Дамогшыся такой сур'ёзнай і да таго часу ўжо вырашальнай перавагі, мінскае "Дынама" працягвала весці гульню ў ранейшай манеры. Калі мінаў час гульні, арбітр прызначыў яшчэ адзін 11-метровы ў браму масквічоў. Васілеўскі прабіў дакладна, і лік стаў 7:0. Упершыню ў гісторыі клуба за ўвесь час удзелу ў чэмпіянатах краіны маскоўскія дынамаўцы пацярпелі такую ​​зруйнавальную паразу. 


Па выніках гэтага тура як мінімум срэбраныя медалі мінскае "Дынама" сабе забяспечыла. Заключны матч сезону чакаў нашу каманду са "Спартаком", які таксама ўжо ведаў сваю выніковую пазіцыю ў чэмпіянаце - трэцяе месца. Пры гэтым не варта было чакаць лёгкага матчу, для галачкі, ведаючы бескампрамісны байцоўскі характар масквічоў.