Наступны матч БАТЭ 25 лістапада (20:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

МАТЧЫ ЗБОРНЫХ: РАСКЛАД ГУЛЬНЯЎ

14.11.2022

На гэтым тыдні зборныя Беларусі па футболе, а таксама каманды іншых краін правядуць вялікую колькасць розных таварыскіх матчаў. Публікуем для вас інфармацыю аб бліжэйшых гульнях нацыянальных каманд, удзел у якіх прымуць нашы выхаванцы, а таксама гульцы асноўнага складу клуба і жаночай каманды:

Нацыянальная зборная Беларусі: таварыскія матчы супраць Сірыі і Амана, якія пройдуць 17 і 20 лістапада адпаведна (а 19:00 і 17:00) у ААЭ. У складзе галоўнай каманды краіны - Максім Швяцоў, Іван Бахар, Дзяніс Грачыха, а таксама трэнер брамнікаў Андрэй Сацункевіч.

Нацыянальная жаночая зборная Беларусі: таварыскі матч супраць Ірана, 15 лістапада (горад Тэгеран) на стадыёне "Арарат", пачатак у 15:00. У складзе каманды - Кацярына Кавальчук, Ганна Піліпенка, Настасся Папова, Віта Мікалаенка, Настасся Шуппо, Вікторыя Валюк, Настасся Шлапакова, Арына Сітнікава, Юлія Слясарчык, а таксама трэнеры Юры Малееў, Руслан Камейша і Аляксандр Скакалін.

Маладзёжная зборная Беларусі: таварыскія матчы супраць Ірана U-21, прызначаныя на 16 і 19 лістапада. Першы матч пройдзе на "Барысаў-Арэне" і пачнецца ў 16:00, другая гульня адбудзецца на стадыёне "Трактар", пачатак у 12:00. У складзе "маладзёжкі" - Уладзіслаў Ложкін, Мікіта Дземчанка, Уладзіслаў Калінін.

Нацыянальная зборная Чарнагорыі: таварыскія матчы супраць Славакіі і Славеніі. 17 лістапада - гульня супраць славакаў ("Gradski stadium", 18:00), 20 лістапада - супраць славенцаў ("Stozice stadium", у 17:00). У складзе зборнай - Душан Бакіч.

Зборная Беларусі U-19: таварыскі матч супраць Расіі U-18, які пройдзе ў Мінску, 17 лістапада, на базе тэхнічнага цэнтра АБФФ і пачнецца а 14:00. У складзе юніёрскай каманды - Уладзіслаў Красоўскі.

Зборная Беларусі U-18: таварыскі матч супраць Расіі U-18. Гульня таксама пройдзе на базе тэхнічнага цэнтра АБФФ, 20 лістапада, старт у 12.00. У камандзе - Іван Шымаковіч, Мацвей Дубатоўка, Уладзіслаў Трус, Захар Холадоў, Мельнічэнка Трафім, а таксама трэнер дублюючага склада Дзмітрый Лянцэвіч.

Звяртаем увагу, што гульні маладзёжнай зборнай будуць паказаны на тэлеканале Беларусь-5. Жадаем поспеху ўсім камандам!