МАЛАДЗЁЖНАЕ ПЕРШЫНСТВО - ВЫНІКІ МАТЧАЎ

На выходных былі згуляныя чарговыя матчы моладзёжнага першынства Беларусі сярод каманд 2005-2008 г.н. Распавядаем пра поспехі дынамаўскіх каманд.

Каманда U-18 працягнула пераможнае шэсце па сваёй групе - на выходных выхаванцы Віктара Сокала абгулялі "Нёман" з лікам 4:0. Дубль у матчы аформіў Дубовік (27 і 40-ая хвіліна), таксама галамі адзначыліся Каліноўскі і Бекарэвіч. На бліжэйшых выходных каманда прапусціць тур, пасля чаго згуляе яшчэ два матчы, а затым пойдзе на перапынак да сакавіка. Адзначым, што розніца ў турнірнай табліцы паміж дынамаўцамі і найбліжэйшым канкурэнтам складае ўжо 8 балаў.

Каманда U-17 адправілася ў Гомель, дзе згуляла перанесены матч 2-га тура. У гэтай гульні нашы хлопцы атрымалі перамогу над сугодкамі з лікам 2:0. Галамі адзначыліся Леанцюк і Аляксандраў. Дарэчы, нашы выхаванцы 2006 года нараджэння таксама займаюць першае месца ў сваёй падгрупе (нават з улікам 2 прапушчаных матчаў).

Каманда U-15 пад кіраўніцтвам Руслана Азаронка ў важным матчы мінімальна перамагла "Іслач" - адзіны гол на рахунку Чарняўскага. На гэтым #Дынама2008 завяршыла першы этап свайго першынства і захавала лідыруючы радок у групе. Па выніках лёсавання перад другім этапам дынамаўцы патрапілі ў групу "Захад", дзе згуляюць яшчэ 14 матчаў. 

Расклад наступных матчаў:

U-17: «Днепр-Магілёў» vs «Дынама-Мінск», 12 лістапада, 14:30 (футбольны манеж);

U-16: «Днепр-Магілёў» vs «Дынама-Мінск», 12 лістапада, 16:30 (футбольны манеж);

U-15: «Дынама-Мінск» vs ЦРФ, 13 лістапада, 13:00 (стадыён «Дынама-Юні»);