ЮНАЦКАЕ ПЕРШЫНСТВО - ВЫНІКІ МАТЧАЎ

На выходных былі згуляныя чарговыя матчы нацкага першынства Беларусі сярод каманд 2005-2008 г.н. 

Каманда U-18 пад кіраўніцтвам Віктара Сокала разгромна абгуляла аднагодкаў з "Арсенала". Выніковы лік матчу - 13:1 на карысць бела-блакітных. Галамі адзначыліся: Холадаў Захар,2; Бандарэнка Міхаіл, 11, 85; Лукашэнка Ягор, 18; Каліноўскі Мацвей, 20; Бекарэвіч Дзяніс, 31, 50; Паўлаў Іван, 40; Марозік Уладзіслаў 59, 73; Матусевіч Іван, 64; Каржанеўскі Іван, 69; Лісоўскі Віктар, 80. Адзначым, што на дадзены момант нашыя старэйшыя выхаванцы займаюць першае месца ў турнірнай табліцы ў сваёй падгрупе.

Каманда U-17 правялі важны матч супраць БАТЭ, у якім перагулялі барысаўцаў з лікам 5:2. Падапечныя Вадзіма Ласоўскага адкрылі лік ужо на 2-ой хвіліне гульні і мелі салідную перавагу ажно да апошніх хвілін сустрэчы. Забітыя галы на рахунку Арсеньева Арцёма, 2; Скалазуба Мацвея, 42; Жорава Івана, 47; Васкабойнікава Арцёма, 65; Чарняўскага Васіля, 86. Пакуль хлопцы таксама займаюць першае месца ў свой падгрупе "Усход".

Каманда U-16 таксама сустракалася з жоўта-сінімі ў мінулыя выходныя. Хлопцы 2007 года нараджэння здолелі правесці выдатны паядынак і забіць тры мячы у браму БАТЭ. Галы ў матчы: Гусеў Багдан, 41; Храмцэвіч Яраслаў, 51; Савасценя Мацвей, 71; Зараз дынамаўцы ідуць на другім месцы, аднак могуць узмацніць сваё становішча ў табліцы ў бліжэйшых матчах.

Каманда U-15 упэўнена абгуляла "Астравец" з лікам 6:1. Супернік першы здолеў забіць на 19-ай хвіліне, але ўжо праз 5 хвілін гульні выхаванцы Руслана Азаронка зраўнялі лік, а на 36-й хвіліне выйшлі наперад. Галы забівалі: Юрэвіч Ігар, 24, 40; Дзегцярэнка Дзмітрый, 36; Луцковіч Андрэй, 45; Чумак Артур, 55; Юрчанка Максім, 62.

Другая каманда U-15 у нядзелю перагуляла аднагодкаў са "Смаргоні" - матч завяршыўся з лікам 5:0 на карысць нашых выхаванцаў. Хет-трык у гульні аформіў Горбач Цімур (забіў на 27-ай, 60-ай і 61-ай хвілінах), яшчэ па мячы ў свой актыў запісалі Голуб Сцяпан (15-ая хвіліна) і Шаўчэня Антон (65-ая хвіліна).

Расклад наступных матчаў:

U-18: «Дынама-Мінск» vs «Дынама-Брэст», 16 лістапада, 17:30 (стадыён «Дынама-ЮНІ»);

U-16: «Белшына» vs «Дынама-Мінск», 14 лістапада, 12:15 (стадыён імя А.Пракапенкі);

U-15-2: ДЮСШ «Маладзечна» vs «Дынама-Мінск», 16 лістапада, 12:00 (стадыён ДЮСШ);