УСЕ АКТЫЎНАСЦІ МАТЧУ #ДЫНАМАЎСКАЕДЭРБІ

Крыху меньш за суткі застаецца да матчу #ДЫНАМАЎСКАЕДЭРБІ, матчу, якім мы вяртаемся на сваю хатнюю арэну - Нацыянальны алімпійскі стадыён "Дынама". Чакаем усіх аматараў футбола 23 кастрычніка. Стартавы свісток прагучыць у 15:00, а нашая фан-зона пачне сваю працу з 13:30.

За час перад матчам вы будзіце мець магчымасць:
- набыць рэтра-форму ці ўцяпліцца клубнай атрыбутыкай у нашым фірмовым шапіку або афіцыйным фан-шопе на сектары D-24;
- паўдзельнічаць у актыўнасці ад нашага партнёра ААТ "Мінскі малочны завод нумар 1" і атрымаць смачны малочны кактэйль;
- зняць круты кантэнт для сваіх сацсетак разам з блогерамі Максам Долінавым, Дзімам Сіроткам і Romannjo;
- перакусіць на фуд-корце;
- пагутарыць з нашым талісманам Дынамошам;
- зрабіць фота на памяць у фотабудцы;
- згуляць у кікер і тэкбол, а таксама футбол на надзіманым полі;
- падзяліцца сваёй дабрынёй і папоўніць "Скарбонку адвагі" цацкамі і канц. таварамі - усё для дзяцей з РНПЦ дзіцячай анкалогіі, гематалогіі і імуналогіі (в. Бараўляны).

У перапынку матчу вы паспееце:
- забраць на памяць часцінку дынамаўскай гісторыі, калі вышэй за ўсіх падскочыце, калі Дынамоша будзе раскідваць па трыбунах эксклюзіўныя майкі, створаныя да 95-годдзя клуба ад нашага партнёра - кампаніі Winline;
- паўдзельнічаць у розыгрышы праз праграмку мяснога бокса ад Маладзечанскага мясакамбіната і дынамаўскай бейсболкі;
- пачуць прэм'еру трэка "Амнэзія" ад Макса Долінава.

І, вядома, мы ўпэўненыя, вы атрымаеце асалоду ад футбола: у 27 туры прымаем "Дынама-Брэст", верым у перамогу нашых хлопцаў!