Наступны матч БАТЭ 25 лістапада (20:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

РЭТРА-АТМАСФЕРА НА МАТЧЫ ДА ЮБІЛЕЮ КЛУБА

16.06.2022

Адзначаючы 95-годдзе клуба, мы не маглі не надаць увагу рэтра-атмасферы. Бо яна перадае дух часу самых яскравых старонак гісторыі "Дынама-Мінск". Каб кожны наш заўзятар на бліжэйшым матчы мог павандраваць у часе, мы падрыхтавалі некалькі тэматычных блокаў.

Спачатку матчу гульцы выйдуць на поле ў спецыяльна пашытай рэтра-форме. Яна натхнёная спартовай модай 80-х гг. мінулага стагоддзя. Таксама у фан-зоне будзе магчымасць набіць свой асобнік рэтра-формы, якая выраблена ў лімітаваным тыражы.

У перапынку сустрэчы пройдзе наш традыцыйны розыгрыш праз матчавую праграмку. Адным з прызоў будзе рэтра-мяч з аўтографам легендарнага Эдуарда Малафеева. Дарэчы, менавіта ён зробіць першы ўдар на матчы супраць "Слуцка".

На фан-зоне таксама можна будзе акунуцца ў атмасферу савецкага дзяцінства: паскакаць у класікі і гумачкі, згуляць у шашкі, шахматы і гарадкі.

Каб кожны паспеў атрымаць асалоду ад перадматчавай атмасферы, 18 чэрвеня фан-зона пачынае сваю працу за 2 гадзіны да матчу - у 18:00. Таксама з боку вул. Кірава будуць адчынены 2 дадатковыя ўваходы.