НАШЫ Ў ЗБОРНАЙ: ВЫНІКІ ВЫСТУПЛЕННЯЎ ДЫНАМАЎЦАЎ

Завяршыліся першыя матчы Лігі Нацый. Традыцыйна распавядаем аб выніках выступленняў гульцоў мінскага "Дынама" ў нацыянальнай камандзе.

У перыяд з 3 па 13 чэрвеня "белакрылыя" правялі чатыры матчы групавога этапу: супраць каманд Славакіі, Казахстана і дзве гульні супраць Азербайджана. Тры сустрэчы адбыліся ў г. Нові-Сад (Сербія), адна - у Баку. У першай гульні, супраць каманды Славакіі, падапечныя Георгія Кандрацьева пацярпелі мінімальнае параза з лікам 0-1. Раман Бегуноў і Іван Бахар выйшлі на матч у стартавым складзе. Раман адгуляў усю гульню, Бахар быў заменены на 72-ай хвіліне. Арцём Быкаў з'явіўся на полі на 61-ай хвіліне, Дзяніс Грачыха 82-ай. Ягор Хаткевіч і Максім Швяцоў засталіся ў запасе. 

Другая сустрэча супраць зборнай Азербайджана завяршылася безгалявой нічыёй. У гэтай гульні з першых хвілін на полі выйшаў Арцём Быкаў, які адгуляў увесь матч. Хаткевіч, Грачыха і Бегуноў засталіся ў запасе, Бахар і Швяцоў - па-за заяўкай на матч.

Матч супраць Казахастана "белакрылыя" завяршылі з лікам 1-1. У стартавай заяўцы апынуліся Арцём Быкаў, Раман Бегуноў і Іван Бахар. Арцём адгуляў усю гульню, Іван і Раман былі заменены на 62-ай і 75-ай хвілінах адпаведна. Хаткевіч, Швяцоў і Грачыха - у запасе. 

Заключная сустрэча зноў супраць Азербайджана была прайграна беларусамі з лікам 0-2. У стартавым складзе на поле выйшаў Іван Бахар і быў заменены на 71-ай хвіліне. Арцём Быкаў выйшаў на замену на 57-ай хвіліне гульні. Хаткевіч, Грачыха і Бегуноў засталіся на лаўцы запасных, Максім Швяцоў - па-за заяўкай на матч.


Наступны матч нацыянальная зборная Беларусі правядзе 22 верасня на выездзе супраць Казахстана. Гульня пройдзе ў Нур-Султане.