Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

22 ЧЭРВЕНЯ - СУМНАЯ ДАТА У БЕЛАРУСКАЙ ГІСТОРЫІ

22.06.2022

Сёння Беларусь узгадвае сумную дату. 22 чэрвеня 1941 г. пачалася Вялікая Айчынная вайна. У 4 гадзіны раніцы нацысцкая Германія здзейсніла вераломны напад на Савецкі Саюз. Першымі прынялі на сябе ўдар байцы Берасцейкай крэпасці. Далей вайна прайшла праз усю тэрыторыю нашай краіны, забіўшы мільёны жыхароў Беларусі, пакінуўшы сіротамі сотні тысяч дзяцей, разбурыўшы і разрабаваўшы гарады і вёскі. Але, выявіўшы волю і мужнасць, наш народ змог выдужаць і перамагчы.

Сёння вялікая ўвага надаецца захаванню гістарычнай праўды. З 2022 г. дата 22 чэрвеня атрымала новую назву - Дзень усенароднай памяці ахвяр Вялікай Айчыннай вайны і генацыду беларускага народа.

У гэты дзень па ўсёй краіне праходзяць памятныя мерапрыемствы, гістарычныя рэканструкцыі, хвіліна маўчання.

ФК "Дынама-Мінск", клуб, які перажыў час Вялікай Айчыннай вайны, асабліва ставіцца да гэтага перыяду нашай гісторыі і памяці аб ім, шануе традыцыі і ніколі не забывае подзвіг беларускага народа.

Дынама памятае. Беларусь памятае.