З ДНЁМ ГОРАДА

З святам, роДная сталіца!

Футбольны клуб «Дынама Мінск» віншуе ўсіх мінчукоў і гасцей нашай цудоўнай сталіцы з Днём горада! Нашаму Мінску споўнілася 954 года.

Мінск - розны, і для кожнага ён асацыюецца з пэўнымі эмоцыямі. Хтосьці тут нарадзіўся і вырас, хтосьці прыехаў з іншага горада і застаўся ў сталіцы назаўжды, а хтосьці ажыццявіў тут свае запаветныя мары і мэты.

Мінск - не проста горад. Гэта радзіма неверагодных ідэй, месца новых адкрыццяў. Мінск - сэрца нашага клуба, бо яго гісторыя цесна пераплеценая з гісторыяй самога горада. Дзякуючы Мінску і яго жыхарам мы актыўна працуем кожны дзень, стараемся дарыць усім вам станоўчыя эмоцыі і радасць ад паходу на матчы нашай каманды.

Сёння тут цесна пераплятаюцца багатая культурная спадчына і сучасныя рытмы. Змяняецца атмасфера, змяняецца хуткасць жыцця, але на працягу дзесяцігоддзяў для ўсіх нас нязменным застаецца тое, што мы ўсёй душой любім наш родны горад, ганарымся і паважаем яго шматвяковыя традыцыі. Але самая галоўная каштоўнасць беларускай сталіцы гэта яе жыхары. Добрыя, мірныя, высакародныя, спагадлівыя і проста неверагодныя людзі, якія заўсёды прыйдуць адзін адному на дапамогу - у гэтым зараз мы пераконваемся кожны дзень.

Мы жадаем нашаму Мінску росквіту, яркіх і незабыўных падзей, бязмежнай сілы для таго, каб далей расці і развівацца. Шчыра дзякуем усім мінчукам, хто сваёй энергіяй, падтрымкай, верай і любоўю да мінскага «Дынама» уносіць неацэнны ўклад у развіццё клуба.

Няхай гэтае свята стане яркай і запамінальнай падзеяй для ўсіх жыхароў і гасцей сталіцы, а трыбуны стадыёна заўсёды будуць бела-блакітнымі! З святам, мінчукі. З святам, любімы Мінск!