Наступны матч БАТЭ 25 лістапада (20:00) (д)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

НАШЫ Ў ЗБОРНЫХ: ВЫНІКІ ВЫСТУПЛЕННЯЎ ДЫНАМАЎЦАЎ

09.09.2021

Завяршыліся матчы зборных нашай краіны. У перыяд з 2 па 8 верасня «Белакрылыя» правялі тры матчы ў рамках кваліфікацыі ЧС-2022 года. Першую гульню, супраць зборнай Чэхіі, выхаванцы Георгія Кандрацьева згулялі 2 верасня і, на жаль, мінімальна саступілі ў ёй (выніковы лік 0-1 на карысць сапернікаў). Максім Швяцоў і Уладзіслаў Клімовіч выйшлі ў стартавым складзе, Арцём Быкаў з'явіўся на полі на 64-ай хвіліне, замяніўшы Уладзіслава (Швяцоў быў заменены на 89-ай хвіліне сустрэчы).


У нядзелю, 5 верасня, Нацыянальная зборная правяла баявы матч супраць Уэльса, у якім, на жаль, згубіла нічыю на апошніх хвілінах. Усе дынамаўцы прынялі ўдзел у матчы з першых хвілін сустрэчы і адгулялі ўсю гульню.

Учора ж быў згуляны заключны матч супраць каманды Бельгіі, дзе беларускай зборнай таксама не ўдалося спазнаць перамогі: нашы футбалісты саступілі з лікам 0-1. Максім Швяцоў, Арцём Быкаў і Уладзіслаў Клімовіч таксама адгулялі ўвесь матч.


Маладзёжная зборная (U-21) згуляла два матчы ў рамках кваліфікацыі маладзёжнага ЕЎРА: супернікамі сталі каманды Ісландыі і Партугаліі. У матчы супраць ісландскай каманды хлопцы не змаглі перагуляць суперніка і саступілі з вынікам 1-2. Уладзіслаў Ложкін выйшаў на поле ў стартавым складзе і быў заменены на 64-ай хвіліне. Гульня супраць Партугаліі таксама завяршылася паразай - адзіны мяч гаспадары забілі з пенальці. Уладзіслаў таксама згуляў з першых хвілін і быў заменены на 66-ай хвіліне матчу.


Юніёрская зборная (U-19) правяла два кантрольныя спарынгі супраць каманды Расіі U-18. У першай сустрэчы беларусы здолелі зраўняць лік на апошняй хвіліне і завяршыць гульню з лікам 3-3. У гэтым паядынку дублем адзначыўся наш нападаючы Дзмітры Латыхоў. На 67-й хвіліне форвард рэалізаваў пенальці, а потым забіў другі мяч на 87-ай хвіліне. У матчы таксама прыняў удзел паўабаронца дублюючага складу Іван Хавалко - ён з'явіўся на полі на 59-ай хвіліне. 


Другая гульня скончылася мінімальнай паразай каманды Уладзімера Карыцькі (0-1 на карысць суперніка). Дзмітры Латыхоў выйшаў на поле ў стартавым складзе і быў заменены Іванам Хавалко ў пачатку другога тайма.