Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.
Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал
Футбалісты мінскага "Дынама" 7 разоў станавіліся чэмпіёнамі Беларусі.
У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.
У апошні раз наша каманда станавілася чэмпіёнам краіны ў 2004 годзе.
Па заканчэнні тэрміну дзеяння працоўнай дамовы абаронца Ігар Шытаў пакідае мінскае «Дынама».
Ігар стаў гульцом нашага клуба 17 ліпеня 2018 года, перайшоўшы з ФК «Астана». За гэты час ён прыняў удзел у 58-мі матчах клуба, забіў 2 галы і аддаў 6 галявых перадач.
Футбольны клуб «Дынама-Мінск» выказвае падзяку футбалісту за супрацоўніцтва і жадае яму поспеху ў далейшым. Дзякуй, Ігар!
