Наступны матч Тарпеда-БелАЗ 22.11 (19:10) (г)
Live
BLR
RU
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

Крама Квіткі

З НОВЫМ ГОДАМ!

31.12.2021

Шаноўныя сябры!

Падыходзіць да завяршэння 2021 год. За гэты неверагодны сезон нашаму клубу атрымалася перажыць шматлікае: яркія перамогі, доўгачаканыя адкрыцці, прыкрыя паразы і новыя выклікі, з якімі мы здолелі зладзіцца дзякуючы вашай падтрымцы. Асноўны склад клуба атрымаў бронзавыя медалі Вышэйшай Лігі-2021; жаночая каманда «Дынама-БДУФК» здолела аформіць залаты хет-трык, стаўшы ўладальніцамі жаночага Кубка і Суперкубка Беларусі, а таксама двухразовымі пераможцамі Жаночай Лігі-2021; дублюючы склад «Дынама» ізноў атрымаў датэрміновую перамогу ў першынстве, а Акадэмія клуба неаднаразова пацвердзіла званне найлепшай футбольнай школы краіны. Усё гэта - найважнейшыя моманты для мінскага «Дынама», але далёка не мяжа нашых магчымасцяў. 


Увесь гэты год мы стараліся ўлічваць вашыя пажаданні і заўсёды быць побач. Мы ўвасаблялі крэатыўныя ідэі і імкнуліся разаваць усіх бела-блакітных добрымі навінамі. Выказваем шчырую падзяку кожнаму за тое, што вы былі з «Дынама» сёлета. І ў пераможных момантах, і ў чорнай паласе, вы працягваеце падтрымліваць наш клуб. Мы таксама дзякуем усім футбалістам, трэнерскаму штабу, супрацоўнікам клуба і тым, для каго мінскае «Дынама» - не проста словы. Дзякуй, што дапамагаеце захаваць гэты горад бела-блакітным назаўжды. 

Надыходзіць незвычайна цікавы, непрадказальны год, і мы рады ісці да новых дасягненняў і важных падзей. Футбольны клуб «Дынама-Мінск» шчыра віншуе з надыходзячымі святамі! Жадаем вам усяго самага найлепшага і неверагоднага ў новым годзе.