Наступны матч Мінск 31 сакавіка (17:00) (г)
Live
BLR
  • Чэмпіён СССР: 1982

    Галоўны поспех у гісторыі нашага клуба — перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да апошняга тура, у якім сталічныя дынамаўцы ўзялі верх над маскоўскім "Спартаком" з лікам 4:3 і здолелі апярэдзіць "Дынама" з Кіева ў турнірнай табліцы ўсяго на адзін бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004

    Футбалісты мінскага "Дынама" 7 разоў станавіліся чэмпіёнамі Беларусі.

    У першыя гады беларускай незалежнасці футбалістам "Дынама" не было роўных — 5 разоў запар "бела-сінія" заваёўвалі галоўны нацыянальны тытул. У 1997-м дынамаўцы зноў узняліся на верхнюю прыступку п'едыстала айчыннага элітнага дывізіёна.

    У апошні раз наша каманда станавілася чэмпіёнам краіны ў 2004 годзе.

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

ДАБРАЧЫННЫ ТАВАРЫСКІ МАТЧ

07.12.2021

Сезон-2021 падышоў да канца, але з футболам сёлета мы яшчэ не скончылі. І з гэтай нагоды ў нас для вас ёсць проста выдатная навіна!

У наступную суботу (11 снежня) на стадыёне "Дынама-Юні", у 13:00, адбудзецца дабрачынны таварыскі матч. Удзел у ім прыме каманда дынамаўцаў: ветэраны, дзейныя гульцы нашага клуба і трэнеры акадэміі; другім калектывам стане каманда футбольных блогераў ФК INFORM. Сярод іх Уладзіслаў Хаванскі («Высокі футбол»), Макс Далінаў, Андрэй Белавусаў, Аляксей Сіняўскі і многія іншыя. Напярэдадні матчу будзе апублікаваны поўны склад абедзвюх каманд. 

Што ж за нагода? Як вядома, заўзятары мінскага «Дынама» традыцыйна кожны снежань адпраўляюцца ў Дзяржынскі раённы сацыяльна-педагагічны цэнтр, што знаходзіцца ў пасёлку Станькава, каб падтрымаць выхаванцаў цэнтра. За доўгія гады мінскае «Дынама» стала родным для мясцовых хлопцаў. У гэтым годзе аб'яўлены збор сродкаў на дапамогу сацыяльна-педагагічнаму цэнтру - з гэтай мэтай і арганізоўваецца суботняя гульня, а каманда ФК INFORM з радасцю падтрымала дадзеную ініцыятыву. Усе сродкі, сабраныя на гэтым матчы, будуць накіраваны на добраўпарадкаванне цэнтра.

Дадзеная падзея - выдатная магчымасць сустрэцца ў міжсезонне ў дынамаўскім коле, а таму мы запрашаем усіх наведаць нашае мерапрыемства і зраіць свой невялікі ўнёсак у добрую і вельмі важную справу. Звяртаем увагу, што ўваход на матч будзе абсалютна бясплатны. Абавязкова прыходзьце і правядзіце час сярод бела-блакітнай сям'і. 

Теги: Сезон-2021