ЮРЫ МАЛЕЎ. ПАСЛЯМАТЧАВЫ КАМЕНТАР.
Юры Іванавіч, у першую чаргу, зразумела, віншуем вас з другім чэмпіёнствам нашых дзяўчат! У мінулым туры каманда яго заваявала, у гэтым адбылося афіцыйнае ўзнагароджанне. Ці адчуваеце, што прайшло ўжо амаль два гады з таго моманту, як "Дынама-БДУФК" пачало свой шлях у жаночым беларускім футболе?
- Вялікі дзякуй. Мне здаецца, гэтыя два гады праляцелі як адзін дзень, асабліва другі сезон. Здавалася б, толькі ўчора пачыналі першы тур, а на наступным тыдні ўжо скончыцца Жаночая Ліга. Час не проста ляціць, ён імчыцца, але, я думаю, гэты перыяд дарагога каштуе.
Якія былі вашыя першыя думкі пасля фінальнага свістка, калі не сакрэт?
- Напэўна, што я вельмі ганаруся дзяўчатамі і вар'яцка рады за іх, яны вялікія малайцы. Мы ўдзячныя нашым заўзятарам, якія шчыра падтрымліваюць калектыў кожны матч. Ну і асобнае дзякуй кіраўніцтву клуба, яны забяспечваюць вельмі добрае існаванне каманды і робяць усё для нашага развіцця і прагрэсу. Мы, у сваю чаргу, імкнемся адплаціць вынікам і, можна сказаць, у нас гэта атрымалася.
Калі коратка зараз прааналізаваць сезон - ці супалі мэты, якія ставілі перад яго стартам, з атрыманым вынікам?
- Ведаеце, скажу так: асадак застаўся толькі ад жаночай Лігі Чэмпіёнаў. Гэты турнір упершыню праводзіўся ў такім абноўленым фармаце, і недзе мы, у прыватнасці я, як трэнер, не да канца зразумеў, магчыма, як найлепш падысці да гэтага. Сукупнасць фактараў прывяла да такога выніку, але, упэўнены, мы выправім гэтую памылку, і ў наступным сезоне ўсё будзе нашмат лепш.
Трохі аб матчы. У гульні атрымала траўму Вікторыя Казакевіч і пасля не здолела працягнуць гульню, што з ёй адбылося?
- Так, нажаль, бывае такое, на першай хвіліне літаральна сутыкнуліся дзяўчаты, і Вікторыя атрымала рассяканне. Шкада вядома, але нічога страшнага няма, з футбалісткай усё ў парадку, я думаю, што да вяселля ўсё сапраўды зажыве (усміхаецца).
Літаральна праз два тыдні большую частку беларускіх футбалістак "Дынама-БДУФК" чакае яшчэ некалькі важных матчаў за зборную Беларусі...
- Усё так, у наступную нядзелю мы завершым сезон Жаночай Лігі, а затым нам трэба будзе згуляць у двух найважнейшых сустрэчах на выездзе, якія па сутнасці стануць фінальным акордам гэтага года. Няпростыя матчы, дзе мы проста абавязаны браць балы, каб у наступным сезоне прадоўжыць барацьбу за выхад нашай зборнай з групы.
