ПЕРАМОЖЦЫ І ПРЫЗЁРЫ ПЕРШЫНСТВА МІНСКА

Завяршылася першынство горада Мінска па футболе сярод каманд 2009, 2010 і 2011 гадоў нараджэння. Распавядаем аб выніках турніру для хлопцаў дынамаўскай акадэміі.

Каманда 2009 года ўзяла залатыя медалі першынства ў сваёй узроставай катэгорыі. У 18-ці згуляных матчах у нашых футбалістаў 15 перамог, 2 нічыі і толькі 1 параза. У перадапошнім туры бела-блакітныя здолелі перагуляць свайго прамога канкурэнта "Мінск-1", а на гэтых выхадных атрымалі перамогу над "Фартунай" і па праве заваявалі першае месца. Другая каманда Андрэя Уладзіміравіча заняла 4-ае месца. 

Двое гульцоў каманды атрымалі індывідуальныя ўзнагароды:
- Уладзіслаў Варонін - найлепшы паўабаронца
- Аляксей Апанасевіч - найлепшы бамбардзір

Заключны тур сярод каманд 2010 года нараджэння таксама расставіў па месцах пераможцаў і прызёраў. У вышэйшай лізе золата дасталася нашым хлопцам "Дынама-Мінск-2". Другая каманда "Дынама-Мінск-1" заваявалі срэбра турніру, апярэдзіўшы пераследвальнікаў літаральна на 1 бал. Выступалі хлопцы пад кіраўніцтвам Дзмітрыя Чалея, Дзмітрыя Пархачова і Сяргея Гігевіча.

Некалькі гульцоў каманды атрымалі індывідуальныя ўзнагароды:
- Аляксей Сабалеўскі - найлепшы паўабаронца
- Арцём Стаховіч - найлепшы нападаючы
- Уладзіслаў Вяранік - найлепшы бамбардзір

Футбалісты 2011 года нараджэння пад кіраўніцтвам Сяргея Маслоўскага заваявалі бронзу першынства Мінска. Дынамаўцы да апошняга змагаліся за другое месца, аднак нават перамога над "Мінск-2" не дазволіла бела-блакітным вырвацца наперад.

Віншуем нашы каманды і трэнераў з прызавымі месцамі турніру і выдатнымі вынікамі.

.