#GIRLSDERBY. Каментар галоўнага трэнера
Юры Іванавіч, наколькі цяжкім выдаўся паядынак? Якія ў вас эмоцыі пасля матчу? Што адчуваеце пасля такой гульні?
- Гульня выдалася няпростай, і, можна сказаць, што мы самі сабе і ўскладнілі жыццё: мець такую перавагу ў першым тайме, мець велізарную колькасць момантаў і не рэалізаваць ... і нават у канцы, калі мячу не было куды дзявацца (момант у Карыны Альховік). Такія моманты, якія мы не забіваем, напэўна, наша самая галоўная праблема. Гэта другая гульня пасля матчу з Зоркай, дзе мы не рэалізавалі тое, што павінны былі. Я лічу, што нічыя была б несправядлівым вынікам матчу, супернік можа лічыць па-іншаму. Два ўдары ў створ брамы - і два галы, а мы, маючы такое багацце момантаў, маглі і страціць балы. Але хачу сказаць, што гэтым і выдатны футбол, а пачуцці па выніку сустрэчы толькі пазітыўныя. Па-сапраўднаму, яны сёння і праявіліся, таму што выдаўся выдатны і відовішчны матч з хэпі-эндам для нашай каманды.
Пасля прапушчанага гола думалі якім чынам перабудоўваць гульню каманды?
- Вядома, былі моманты, дзе хацелася перабудаваць гульню, але, скажам так, такіх людзей на лаўцы на сённяшні дзень не было, хто змог бы згуляць у сярэдзіне поля. Выпусціць гульца, каб проста выпусціць, ды яшчэ ў такім матчы .. У нас дзяўчаты маладыя, і не кожны гулец з лаўкі можа ўвайсці ў такую гульню - не хацелася рызыкаваць. Вось Віка Валюк і Даша Сцяжко - тыя замены, якія трэба было рабіць, каб асвяжыць гульню каманды. Настасся Шлапакова правяла добры матч, але зарабіла жоўтую картку і з'явілася хваляванне, каб не было і другой карткі ў такім баявым матчы, таму зрабіў замену. А Дашка ў нас на другім паверсе якасна гуляе і неабходна было дадаваць гульца ў штрафную плошчу ў канцоўцы сустрэчы.
У Насты Ліннік дзень нараджэння - яна робіць дубль у такім матчы, і яшчэ які! Другі гол прамым ударам з кутняга ... На ваш погляд, намінацыю MVP гэтага матчу можна аддаць Настассі?
- Вядома, я лічу, што яна цалкам заслужыла і даказала сваёй гульнёй, зрабіўшы дубль і дэманструючы актыўнасць на працягу ўсёй сустрэчы, сама сабе паднесла такі падарунак, з чым мы яе можам і павіншаваць ... (усміхаецца).
