Дынама-БДУФК - Неман. Каментары галоўнага трэнера
Юрый Іванавіч, адказны матч згуляны, прапаную традыцыйна пачаць з вашага каментара.
- Cкажу адкрыта, слабая гульня ў нашым выкананні. Тут трэба разабрацца, у чым прычына. Звычайна так бывае пасля таго, як вялікая група гульцоў прыязджае з матчаў зборнай: першыя гульні пасля гэтага заўсёды цяжкія. Будзьма на наступным тыдні аналізаваць, але гульня мне зусім не спадабалася.
Адсутнічала Настасся Новікава ў стартавым складзе, на яе месцы гуляла Надзеж Сісо. З чым гэта звязана, і ці задаволеныя вы гульнёй Сісо на гэтай пазіцыі?
- Так, Настасся атрымала мікратраўму ва Ўзбэкістане і не хацелася рызыкаваць, плюс не было асабліва ў гэтым сэнсу. А Сісо і раней гуляла цэнтральную абаронцу, у «Мінску», калі вы бачылі. Каля нашай брамы ў гэтым матчы вялікіх пагроз не было, ёсць вядома моманты, якімі я не вельмі задаволены, не буду зараз іх афішаваць, але ў цэлым нармальна.
Вікторыя Казакевіч атрымала чырвоную картку і прапусціць выязны матч супраць «Зоркі-БДУ». Адаб'ецца гэта на гульні нашых дзяўчат у нядзелю?
- Не думаю. Выйдзе гуляць Настасся Папова і, мяркую, ніякіх праблем не будзе. Гэта футбол, здараюцца карткі, трэба да гэтага быць гатовым у тым ліку.
