Наступны матч БАТЭ (выезд) 6 лiстапада (15:00)
  • Чэмпіён СССР 1982 год.

    Галоўны поспех у гісторыі нашага клуба - перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да самага апошняга тура, у якім сталічныя дынамаўцы абгулялі маскоўскі "Спартак" з лікам 4:3 і па выніках здолелі апярэдзіць "Дынама" з Кіева ў турнірнай табліцы ўсяго толькі на 1 бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004.

    Футбалісты мінскага "Дынама" 7 раз станавіліся чэмпіёнамі Беларусі па футболе.

    У дэбюце розыгрышу нацыянальнага першынства футбалістам "Дынама" не было роўных - 5 раз запар бела-блакітныя станавіліся чэмпіёнамі краіны. Праз два сезоны дынамаўцы з Мінска зноў сталі пераможцамі першынства Беларусі.

    У апошні раз футбалісты мінскага "Дынама" станавіліся чэмпіёнамі краіны ў 2004 годзе..

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

НАШЫ Ў ЗБОРНЫХ: ВЫНІКІ ВЫСТУПЛЕННЯ ДЫНАМАЎЦАЎ

13.10.2021

Завяршыліся матчы некалькіх зборных нашай краіны. Распавядаем аб выніках выступленняў дынамаўцаў у нацыянальных камандах.

У перыяд з 8 па 11 кастрычніка "Белакрылыя" правялі яшчэ два матчы ў рамках кваліфікацыі ЧС-2022 года. Першая гульня, супраць зборнай Эстоніі, скончылася для падапечных Георгія Кандрацьева паразай з лікам 0-2. Арцём Быкаў, Уладзіслаў Клімовіч і Аляксандр Сялява выйшлі на матч у стартавым складзе і адгулялі ўвесь час. Наш галкіпер Ягор Хаткевіч застаўся на лаўцы запасных.


У панядзелак, 11 кастрычніка, Нацыянальная зборная правяла гульню супраць Чэхіі, у якой, на жаль, таксама саступіла з лікам 0-2. Арцём Быкаў, Уладзіслаў Клімовіч і Аляксандр Сялява зноў выйшлі з першых хвілін на полі. Сялява быў заменены на пачатку другога тайма, Клімовіч на 78-й хвіліне сустрэчы. Арцём Быкаў адгуляў увесь матч, Ягор Хаткевіч зноў застаўся ў запасе. Заключны матч адборачнага цыклу нацыянальная зборная Беларусі правядзе ў Кардыфе супраць Уэльса. Паядынак адбудзецца 13 лістапада на стадыёне "Кардыф Сіці" і пачнецца ў 22.45.


Маладзёжная зборная (U-21) таксама адгуляла два матчы ў рамках кваліфікацыі маладзёжнага ЕЎРА: супернікамі сталі каманды Грэцыі і Ліхтэнштэйна. Гульня супраць аднагодкаў з Грэцыі завяршылася паразай "маладзёжкі" - 0-2 на карысць суперніка. Уладзіслаў Ложкін і Раман Давыскіба выйшлі ў стартавым складзе, Уладзіслаў адгуляў усе 90 хвілін, Раман быў заменены на 61-ай хвіліне. Дзяніс Шпакоўскі застаўся ў запасе.


Другі паядынак застаўся за беларускай камандай: падапечныя Сяргея Ясінскага здолелі забіць шэсць неўзаемных галоў у браму Ліхтэнштэйна. Ложкін таксама апынуўся ў стартавым складзе, аддаў галявую перадачу ў матчы і быў заменены на 63-й хвіліне. Раман Давыскіба выйшаў на поле на 70-й хвіліне. Шпакоўскі апынуўся на лаўцы запасных. Віншуем іх з перамогай. 


Юніёрская зборная (U-19) правяла тры паядынкі першага этапу адбору на чэмпіянат Еўропы: супраць каманд Венгрыі, Аўстрыі і Эстоніі. У першай сустрэчы хлопцы саступілі гаспадарам міні-турніру - венграм (1:2 на карысць суперніка). Другі матч завяршыўся нічыёй для зборнай - 1:1. Гол у складзе беларускай каманды забіў наш Дзмітры Латыхоў (з пенальці). І таксама менавіта гол Дзмітрыя прынёс перамогу зборнай над Эстоніяй! Беларусы здолелі мінімальна перамагчы суперніка зноў дзякуючы рэалізаванаму пенальці. Нападаючы Ягор Шадзько таксама прыняў удзел ва ўсіх трох матчах адбору.


Адзначым, што каманда Андрэя Скарабагацькі па выніках трох матчаў заняла трэцяе месца ў групе і мае шанцы на выхад у элітны раўнд. Для гэтага неабходна стаць найлепшай камандай, якія занялі трэці радок сярод усіх 13 груп (матчы яшчэ некалькіх груп пройдуць 16 лістапада).