НАШЫ Ў ЗБОРНЫХ

Галоўная каманда краіны, у перыяд з 3 па 11 кастрычніка, правядзе два матчы Еўрапейскай кваліфікацыі ЧС-2022 супраць нацыянальных каманд Эстоніі і Чэхіі. Першую гульню "Белакрылыя" правядуць 8 кастрычніка ў Таліне, яна пачнецца ў 21:45 па беларускім часе і пройдзе на стадыёне "А. Ле Кок Арэна". Другі паядынак адбудзецца 11 кастрычніка ў Казані (21:45, "Цэнтральны стадыён").

У склад зборнай каманды атрымалі выклік чатыры футбалісты асноўнага складу мінскага "Дынама": галкіпер Ягор Хаткевіч, паўабаронцы Аляксандр Сялява, Уладзіслаў Клімовіч і Арцём Быкаў (Максім Швецоў не зможа дапамагчы зборнай у бліжэйшых матчах з прычыны праблем са здароўем).

На дадзены момант зборная Беларусі ўжо прыступіла да падрыхтоўкі да матчаў кваліфікацыі Чэмпіянату Свету і 7-га кастрычніка каманда накіруецца ў Талін.

Учора ў Стайках стартаваў вучэбна-трэніровачны збор і маладзжнай зборнай Беларусі, якая правядзе два матчы адбору на ЕЎРА-2023: 8-га кастрычніка падапечныя Сяргея Ясінскага ў Жодзіна, у 19:00 (стадыён "Тарпеда") будуць змагацца з Грэцыяй, а 12- га чысла ў Барысаве, таксама у 19:00, на "Барысаў-арэна", адбудзецца сустрэча з Швейцарыяй.

У канчатковы склад "маладзёжкі" патрапілі двое футбалістаў "бела-блакітных" - паўабаронца Раман Давыскіба і нападаючы Уладзіслаў Ложкін.

Важныя матчы згуляе і юніёрскай зборнай U-19, у якую выкліканыя два нападнікі клуба: Дзмітры Латыхоў і Ягор Шадзько. Каманда возьме ўдзел у адборачным раўндзе Чэмпіянату Еўропы-2022 у Дзьёры (Венгрыя) супраць зборных Венгрыі, Аўстрыі і Эстоніі. Матчы пройдуць 6, 9 і 11 кастрычніка адпаведна. 

Жадаем нашым гульцам поспеху і перамог у гэтых матчах.