Наступны матч БАТЭ (выезд) 6 лiстапада (15:00)
  • Чэмпіён СССР 1982 год.

    Галоўны поспех у гісторыі нашага клуба - перамога ў чэмпіянаце Савецкага Саюза ў 1982 годзе.

    Барацьба за залатыя медалі вялася да самага апошняга тура, у якім сталічныя дынамаўцы абгулялі маскоўскі "Спартак" з лікам 4:3 і па выніках здолелі апярэдзіць "Дынама" з Кіева ў турнірнай табліцы ўсяго толькі на 1 бал

  • Сяміразовы чэмпіён Беларусі: 1992, 1992/1993, 1993/1994, 1994/1995 1995, 1997, 2004.

    Футбалісты мінскага "Дынама" 7 раз станавіліся чэмпіёнамі Беларусі па футболе.

    У дэбюце розыгрышу нацыянальнага першынства футбалістам "Дынама" не было роўных - 5 раз запар бела-блакітныя станавіліся чэмпіёнамі краіны. Праз два сезоны дынамаўцы з Мінска зноў сталі пераможцамі першынства Беларусі.

    У апошні раз футбалісты мінскага "Дынама" станавіліся чэмпіёнамі краіны ў 2004 годзе..

  • Трохразовы ўладальнік Кубка Беларусі па футболе: 1992, 1993/1994, 2002/2003.

    Тройчы футбалісты мінскага "Дынама" станавіліся ўладальнікамі Кубка Беларусі.

    Двойчы - у самым пачатку станаўлення беларускага футбола (1992 год і сезон 1993/1994), а ў апошні раз - у 2003 годзе.

  • Шасціразовы чэмпіён БССР: 1937, 1938, 1939, 1945, 1951, 1975.

    Чэмпіянат БССР у сістэме ліг савецкага футбола меў статус спаборніцтва калектываў фізічнай культуры.

    У розыгрышы гэтага турніру, пераважна, выступала моладзь клуба.

    Дынамаўцы 6 разоў станавіліся чэмпіёнамі першынства БССР.

  • Двухразовы ўладальнік Кубка БССР: 1936, 1940.

    Кубкавы футбольны турнір праводзіўся футбольнымі камандамі Беларускай ССР з 1936 па 1991 год. Мінскае "Дынама" двойчы ў сваёй гісторыі станавілася ўладальнікам дадзенага кубка: у далёкіх 1936 і 1940 гадах.

АДКРЫТЫ ЎРОК АД "ДЫНАМА-МІНСК"

11.10.2021

У гэтую суботу футбалісткі нашай жаночай каманды, а таксама іх талісман Дынамоша адправіліся ў сярэднюю школу №101 г. Мінска на спецыяльны адкрыты ўрок. Тэмай урока для школьнікаў стала Афрыка, і таму да хлопцаў былі запрошаны гульцы "Дынама-БДУФК" Вуланія Дабда Клаўдыя, Лебаганг Эстэр Рамалепе, а таксама Надзеж Сісо.

У пачатку сустрэчы дзяўчыны адказалі на ўсе пытанні дзяцей: аб сваіх краінах, аб жаночым футболе, аб спартыўнай кар'еры і таксама пра цікавыя месцы ў Беларусі, якія ім удалося наведаць. Пасля афіцыйнай часткі мерапрыемства перамясцілася ў спартзалу, дзе гульцы "Дынама-БДУФК" і трэнеры дынамаўскай Акадэміі зладзілі размінку, а затым правялі некалькі цікавых конкурсаў і эстафет. 


У канцы футбалісткі раздалі ўдзельнікам памятныя прызы, а таксама запрасілі ўсіх жадючых на наступныя хатнія матчы жаночай каманды. Гульня 26 тура супраць зборнай Гомельскай вобласці пройдзе ў пачатку лістапада. 


Нагадаем, што адкрытыя ўрокі для навучэнцаў - традыцыйнае мерапрыемства мінскага "Дынама", якое ў гэтым годзе атрымала сваё развіццё і будзе праходзіць у некалькіх школах на працягу бліжэйшага часу. Школьнікі змогуць пазнаёміцца з гісторыяй сталічнага клуба, даведацца шмат ногового пра футбол, а таксама весела і з карысцю правесці час у кампаніі гульцоў, нашага маскота і трэнераў Акадэміі.